ឧកញ៉ា ម៉ុង ឫទ្ធី បានធ្វើឲ្យក្មេងៗ និងអ្នកភូមិ រំភើបស្ទើរស្រក់ទឹកភ្នែកទៀតហើយ ដោយមានកាដូពិសេសជូនក្នុងពេលឆាប់ៗនេះ (មានវីដេអូ)

កន្លងមកនេះគេធ្លាប់ឃើញ ឯកឧត្ដមបណ្ឌិត ម៉ុង ឫទ្ធី តែងតែមានការប្រឡូកក្នុងវិស័យកសិកម្ម ការងារសង្គម ហើយកាលពីពេលថ្មីៗនេះលោកក៏ចាប់ផ្តើមប្រឡូកក្នុងវិស័យអចលនទ្រព្យផងដែរ ដែលនឹងសាងសង់លំនៅឋានលំដាប់មធ្យមក្នុងតម្លៃសមរម្យមួយ នៅលើផ្ទៃដី១.២០០ម៉ែត្រការរ៉េសម្រាប់ផ្ទះមួយខ្នងៗ។

ចំណែកកាលពីម្សិលមិញនេះផងដែរ គេឃើញលោកបានបង្ហោះរូបភាពជាច្រើនសន្លឺក ទាក់ទងសាលាមត្តេយ្យមួយខ្នង ដែលជិតសាងសង់រួចទៅហើយ ជាមួយទេសភាពដ៏ស្រស់ស្អាត ទីធ្លាសាលាធំទូលាយ ប្រកបដោយស្រស់អាកាសបរិសុទ្ធថែមទៀតផង ដែលបានធ្វើឲ្យក្មេងៗនៅទីនោះមានក្តីរំភើបជាខ្លាំង ព្រោះពួកគេនឹងបានចូលរៀននៅសាលាមួយនេះក្នុងពេលឆាប់ៗខាងមុខនេះហើយ។ ក្នុងនោះផងដែរ ឯកឧត្ដមបណ្ឌិត ម៉ុង ឫទ្ធី ក៏បានសរសេរសារបញ្ជាក់បន្ថែមទៀតថា៖

"វេលាម៉ោង២រសៀលថ្ងៃព្រហស្បតិ៍ទី២២ ខែមិនា ឆ្នាំ២០១៨ ក្នុងដំណើរមកពិនិត្យ និងជម្រុញការងារសាងសង់សាលាមត្តេយ្យមួយខ្នង ក្នុងភូមិឫទ្ធី៥ ឃុំកែវផុស ស្រុកស្ទឹងហាវ ខេត្តព្រះសីហនុ ចៅៗគ្រាន់តែឃើញឡានតាម៉ុងរត់តាមមកអោយប្រសាច នេះចេះមានយកស្ករគ្រាប់មកតាមបើអត់មានវិញវីវរធំហើយ ។"៕