បេក្ខជនម្នាក់ បញ្ឈរឡានពេទ្យនិងគ្រូពេទ្យពីរនាក់ក្បែរខ្លួន ខណៈទើបវះកាត់យប់មិញ
ខេត្តកណ្ដាល៖ យោងតាមប្រភពហ្វេសប៊ុកគ្រូបង្រៀនម្នាក់ ដែលខេឃ្យូបបានស្គាល់ថា ជាគ្រូបង្រៀននៅក្នុងរាជធានីភ្នំពេញ បានបង្ហោះសារនៅលើគណនីហ្វេសប៊ុករបស់ខ្លួន ស្ដីពីបេក្ខជនម្នាក់ ប្រលងនៅមណ្ឌលវិទ្យាល័យ ហ៊ុន សែន តាខ្មៅ ខាងជើង មកអង្គុយប្រលងនៅទីធ្លាមានភាពសុខភាពមួយកន្លែងក្នុងបរិវេណមណ្ឌលប្រលង ដោយដាក់បញ្ឈររថយន្តសង្គ្រោះបន្ទាន់ និងគ្រូពេទ្យពីរនាក់ ដើម្បីចាំសង្គ្រោះបន្ទាន់ ខណៈទើបតែវះកាត់ជំងឺយប់មិញ។
គណនីហ្វេសប៊ុក ឈ្មោះ ហេង សំអ៊ន បានសរសេរដូច្នេះថា “បេក្ខនារីម្នាក់ប្រឡងនៅមណ្ឌលវិទ្យាល័យ ហ៊ុន សែន តាខ្មៅខាងជើង មានជំងឺរលាកខ្នែងពោះវៀន ដែលទើបទទួលការវះកាត់យប់មិញ ត្រូវបានគណ:មេប្រយោគអនុញ្ញាតអោយប្រឡងនៅទីធ្លាដែលមានបរិយាកាសល្អម្នាក់ឯងតាមការស្នើសុំរបស់បេក្ខជន ដោយមានឡានពេទ្យ និងគ្រូពេទ្យ២នាក់ នៅប្រចាំការ”។
ជុំវិញករណីនេះ លោក ហេង សំអ៊ន បានបញ្ជាក់បន្ថែមមកកាន់មន្ត្រីសារព័ត៌មានខេឃ្យូបថា រូបភាពដែលបេក្ខជនអង្គុយប្រលងខាងលើនេះ លោកបានទទួលពីក្រុមការងារដែលប្រចាំនៅមណ្ឌលខាងលើផ្ញើជូនលោក ហើយហេតុការណ៍បានកើតឡើងនៅព្រឹកថ្ងៃទី២២ ខែសីហា ឆ្នាំ២០១៧នេះតែម្ដង៕
គណនីហ្វេសប៊ុក ឈ្មោះ ហេង សំអ៊ន បានសរសេរដូច្នេះថា “បេក្ខនារីម្នាក់ប្រឡងនៅមណ្ឌលវិទ្យាល័យ ហ៊ុន សែន តាខ្មៅខាងជើង មានជំងឺរលាកខ្នែងពោះវៀន ដែលទើបទទួលការវះកាត់យប់មិញ ត្រូវបានគណ:មេប្រយោគអនុញ្ញាតអោយប្រឡងនៅទីធ្លាដែលមានបរិយាកាសល្អម្នាក់ឯងតាមការស្នើសុំរបស់បេក្ខជន ដោយមានឡានពេទ្យ និងគ្រូពេទ្យ២នាក់ នៅប្រចាំការ”។
ជុំវិញករណីនេះ លោក ហេង សំអ៊ន បានបញ្ជាក់បន្ថែមមកកាន់មន្ត្រីសារព័ត៌មានខេឃ្យូបថា រូបភាពដែលបេក្ខជនអង្គុយប្រលងខាងលើនេះ លោកបានទទួលពីក្រុមការងារដែលប្រចាំនៅមណ្ឌលខាងលើផ្ញើជូនលោក ហើយហេតុការណ៍បានកើតឡើងនៅព្រឹកថ្ងៃទី២២ ខែសីហា ឆ្នាំ២០១៧នេះតែម្ដង៕
Post a Comment