តម្លៃអគ្គិសនីនៅកម្ពុជានឹងបន្តចុះថ្លៃទៀតហើយ ដោយសារតែទំនប់វារីអគ្គិសនីសេសានក្រោម២នៅពេលនេះ...

ការធ្វើតេស្តសាកល្បង និងការដាក់ឲ្យដំណើរការម៉ាស៊ីនទី១ អានុភាព៥០មេហ្គាវ៉ាត់ របស់ទំនប់វារីអគ្គិសនីសេសានក្រោម២ និងសាកល្បងភ្ជាប់ទៅបណ្តាញបញ្ចូនជាតិ គឺទទួលបានជោគជ័យ។ ការសាកល្បងនេះ ត្រូវបានចុះពិនិត្យដោយលោក ស៊ុយ សែម រដ្ឋមន្រ្តីក្រសួងរ៉ែ និងថាមពល និងរដ្ឋបាលខេត្តស្ទឹងត្រែង កាលពីថ្ងៃទី៦ ខែធ្នូ។

ក្រសួងរ៉ែ បានឲ្យដឹងថា សម្រាប់ការធ្វើតេស្តម៉ាស៊ីនទី១ បានចាប់ផ្តើមពីថ្ងៃទី២៩ ខែវិចិ្ឆកា ឆ្នាំ២០១៧ ដល់ថ្ងៃទី១ ខែធ្នូ ឆ្នាំ២០១៧ ហើយបានធ្វើការភ្ជាប់ទៅបណ្តាញបញ្ចូនជាតិ ដើម្បីចែកចាយទៅបណ្តាខេត្តផ្សេងៗកាលពីថ្ងៃទី២ ខែធ្នូ ឆ្នាំ២០១៧។

ក្រសួងរ៉ែ អះអាងថាទំនប់វារីអគ្គិសនីសេសានក្រោម២ បានជួយពង្រីកការផ្គត់ផ្គង់ និងធ្វើឲ្យតម្លៃអគ្គិសនីនៅកម្ពុជាបន្តចុះថ្លៃបន្ថែមទៀត។ នេះជាវារីអគ្គិសនីធំជាងគេនៅកម្ពុជា ដែលមានកម្លាំងអានុភាពសរុប៤០០មេហ្គាវ៉ាត់ នៅពេលដែលដាក់ឲ្យដំណើរការម៉ាស៊ីនទាំង៨៕