សូមជួយស៊ែឲ្យម្តាយម្នាក់នេះមកយកកូននៅបន្ទប់ជួលវិញផង!!! សម្រាលកូនហើយ រត់ចោលគ្នាទាំងពីរនាក់ប្តីប្រពន្ធបាត់ អាណិតណាស់លោកអើយ (មានវីដេអូ)

មានហេតុការណ៍មួយបានបង្កការភ្ញាក់ផ្អើលកាលពីវេលាម៉ោង៧និង៣០ នាទីព្រឹកថ្ងៃ ៨ ខែធ្នូ ឆ្នាំ២០១៧ នៅតាមបណ្ដោយផ្លូវវេងស្រេង នៅផ្ទះជួល ម៉ាកស្រីពេជ ភូមិដំណាក់ធំ សង្កាត់ស្ទឹងមានជ័យ៣ ខណ្ឌមានជ័យ ដោយមានប្ដីប្រពន្ធ២នាក់នេះ បានមកជួលបន្ទប់ស្នាក់បានមួយថ្ងៃ ស្រាប់តែសម្រាលកូនស្រីម្នាក់ហើយមិនដឹងថា នាំគ្នាទៅណាបាត់ទុកកូនស្រីដែលទើបតែសម្រាលនៅក្នុងបន្ទប់រួចចាក់សោរ។

ក្នុងនោះផងដែរបើតាមសេចក្តីរាយការណ៍ពីម្ចាស់ផ្ទះនោះគឺ ម្តាយក្មេងនេះមានឈ្មោះ អូន ស្រីស្លួត អាយុ១៧ឆ្នាំ មុខរបរ មិនពិតប្រាកដ ស្នាក់នៅបន្ទប់លេខ៤បេ ជាន់ទី១ មានស្រុកកំណើតនៅភូមិ ត្រពាំងដងទឹក ឃុំអូសារាយ ស្រុកត្រាំកក់ ខេត្ដតាកែវ ។ ចំណែកឪពុកវីញមិនបានគេស្គាល់អត្ដសញ្ញាណទេ ចំណែកឯម្ចាស់ផ្ទះជួលនេះវិញមានឈ្មោះថា ហួ ផៃអេង អាយុ៥២ ឆ្នាំមុខរបរ លក់ដូរ ស្នាក់នៅផ្ទះខាងលើ។

បើយោងតាមសម្ដីបុរសម្នាក់ឈ្មោះ សំ សៅ ស្នាក់នៅជិតបន្ទប់គ្នា បានប្រាប់អោយដឹងថា មុនពេលប្រទះឃើញទារិកាដែលទើបសម្រាលនោះ រូបគាត់បានចេញពីបន្ទប់របស់គាត់នៅវេលាម៉ោង១០ និង៤០នាទីយប់ ស្រាប់តែមានឮសម្លេងក្មេងយំរូបគាត់ក៏បានដើរមកមើលឃើញបន្ទប់ចាក់សោរខាងក្រៅ ភ្លាមៗនោះរូបគាត់បានចុះមកហៅម្ចាស់ផ្ទះអោយទៅជួយកាត់សោរបន្ទប់ រួចចូលទៅខាងក្នុងក៏ប្រទះឃើញទារិកានៅក្នុងបន្ទប់ដោយដោយមានរំអិលឈាមនិងទងសុក រួចចាក់សោទុកកូនទើបនឹងកើតក្នុងបន្ទប់ចោលនាំគ្នាចេញទៅបាត់។

ដោយសារតែក្មេងម្នាក់នេះគ្មានអ្វីបៅទើបម្ចាស់ផ្ទះបានយកភួយទៅរំ និងអោយទឹកដោះគោះបៅពេញមួយយប់ លុះព្រឹកឡើងទើបរាយការណ៍ទៅសមត្ថកិច្ចចុះមកមួយអន្ដរាគមន៍ ហើយសមត្ថកិច្ចបានទាក់ទងទៅខាងសាលាសង្កាត់ស្ទឹងមានជ័យ៣ ចុះទៅធ្វើកំណត់ហេតុប្រគល់ទៅអោយខាងសង្គមកិច្ចយកទៅចិញ្ចឹម យ៉ាងណាមិញនោះគេមិនទាន់ដឹងថា ម្ដាយឪពុកទារិកានោះទៅណាទេ ៕