ប្លែកៗដល់ហើយចោរឥឡូវនេះ!!! លួចម៉ូតូគេហើយ យកមកសងវិញ ព្រមជាមួយសំបុត្រមួយច្បាប់ដ៏គួរឲ្យអស់សំណើច

កាលពីពេលថ្មីៗនេះមានសារព័ត៌មានរបស់ប្រទេសថៃមួយឈ្មោះថា Kapook បានចុះផ្សាយរឿងចោរមួយដែលមើលទៅហាក់បីដូចជាប្លែកម្យ៉ាង ដោយសារចោរនោះបានលួចម៉ូតូគេហើយ បែរជាយកមកសងវិញ ព្រមជាមួយសំបុត្រមួយច្បាប់ផងដែរ។

កាលពីដំបូងឡើងចោរម្នាក់នេះគាត់រើសបានទូរស័ព្ទមួយគ្រឿង រួចក៏បានយកទូរស័ព្ទនោះប្រគល់ជូនម្ចាស់គេវិញ បន្ទាប់មកចោរនេះក៏បានសុំម្ចាស់ទូរសព្ទនោះស្នាក់នៅមួយយប់ ដោយមានហេតុផលថាខ្លួនពុំទាន់បានបង់ថ្លៃបន្ទប់ជួលទើបមិនអាចចូលស្នាក់នៅបាន។ លុះព្រឹកឡើងចោរម្នាក់នេះក៏បានលួចម៉ូតូរបស់ម្ចាស់ទូរសព្ទនេះបាត់ទៅ។

ក្រោយពីមានហេតុការណ៍នេះឡើង ម្ចាស់ម៉ូតូរូបនេះក៏បានទៅប្តឹងប៉ូលិស ព្រមភ្ជាប់ជាមួយរូបភាពដែលថតបានដោយកាមេរ៉ាសុវត្ថិភាពផងដែរ។ ស្រាប់តែនៅថ្ងៃបន្ទាប់មានប៉ូលិសទាក់ទងម្ចាស់ម៉ូតូនោះថា ចោរម្នាក់នេះបានយកមកសងវិញហើយ ដោយចោរម្នាក់នេះបានយកមកទុកនៅក្រោមស្ពាន ភ្លាមនោះម្ចាស់ម៉ូតូរូបនេះក៏ទៅមើលក៏ឃើញពិតប្រាកដដូចអ្វីដែលប៉ូលិសបានប្រាប់មែនគឺ ស្កូបពី ពណ៌ខ្មៅ។

បន្ទាប់ពីប៉ូលិសពិនិត្យមើលរួចហើយក៏ស្រាប់តែឃើញសំបុត្រមួយច្បាប់ដែលបានសៀតនៅកែបម៉ូតូនោះ ដោយសរសេរថា "ជូនចំពោះម្ចាស់ម៉ូតូ ពេលនេះខ្ញុំបានយកម៉ូតូសងអ្នកវិញហើយ ខ្ញុំសូមអភ័យទោសរាល់កំហុសឆ្គងរបស់ខ្ញុំ មូលហេតុខ្ញុំធ្វើដូចនេះក៏ព្រោះតែខ្ញុំមានការខ្វះខាតជាខ្លាំង បើនិយាយឲ្យស្រួលស្តាប់គឺដូចជាឆ្កែកំពុងតែទាល់ច្រកអញ្ចឹង ហើយខ្ញុំទទួលដំណឹងពីការប្តឹងនេះតាមរយះប្រពន្ធរបស់ខ្ញុំប្រាប់។ ដូចនេះសូមម្ចាស់ម៉ូតូជួយដកពាក្យបណ្តឹងវិញផងណា ចាត់ទុកដូចជាធ្វើបុណ្យទៅចុះ ខ្ញុំសុំអង្វរ ហើយមួយវិញទៀតសូមជួយប្រកាសវិញផងថា ខ្ញុំបានយកមកសងវិញហើយ ចាត់ទុកខ្ញុំជាចោរចិត្តល្អម្នាក់ចុះ ដើម្បីកុំឲ្យអ្នកផ្សេងទៀតមានការយល់ច្រឡំកាន់តែខ្លាំង។

បន្ទាប់ពីប៉ូលិសបានឲ្យម្ចាស់ម៉ូតូរួចហើយ ម្ចាស់ម៉ូតូរូបស្អាតម្នាក់នេះក៏បានសុំដកពាក្យបណ្ដឹងវិញដែរ តែខាងប៉ូលិសមិនព្រមអាចឲ្យដកវិញទេ គឺនៅតែបន្តតាមចាប់ជនខាងលើមកផ្ដន្ទារទោសតាមច្បាប់ដដែល៕

ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។
រក្សាសិទ្ធិដោយ kampuchea1979.blogspot.com

ប្រភព៖ Kapook