តើ សានតា ក្លូស ឬ លោកតាណូអែល គាត់ធ្វើអ្វីគេខ្លះនៅថ្ងៃបុណ្យ ណូអែល (Christmas) (មានវីដេអូ)
ពិធី បុណ្យណូអែល ដែលគេនាំគ្នាប្រារព្វជារៀងរាល់ឆ្នាំនេះ យកលំនាំតាមបែបអាមេរិកាំង និងជាបុណ្យសាំង នីកូឡា (saint Nicolas) តាមបែបអ៊ឺរ៉ុប។ នៅអាមេរិក «លោកតាណូអែល»មានឈ្មោះថា «សានតា ក្លូស (Santa Claus - ឈ្មោះហៅតាម សំនៀងរបស់ជនជាតិហូឡង់)» ហើយបានចេញជារូបរាងឡើង នៅសតវត្សទី១៩។ នៅបារាំង គេទើបនឹងចាប់ផ្ដើមនិយាយខ្លាំង ពី«លោកតាណូអែល» នៅកណ្ដាលសតវត្សទី២០ប៉ុណ្ណោះ។ ការងាររបស់ «សានតា ក្លូស ឬ លោកតាណូអែល» គឺគាត់ដើរចែកអំណោយ ទៅគ្រប់កូនក្មេងណាដែលស្លូតបូត ត្រឹមត្រូវ នៅក្នុងរាត្រីបុណ្យថ្ងៃទី២៤ ចូលមកថ្ងៃទី២៥ ខែធ្នូ។
«លោកតាណូអែល» ក៏ត្រូវបានគេប្រារព្វ យករូបរាងតាម ជូលេនីស (Julenisse) មនុស្សតូចល្អិតមានពុកមាត់ស ពាក់មួកវែងស្រួចចុង របស់ជនជាតិអ៊ឺរ៉ុបខាងជើង (ស៊ុយអែដ និងណ័រវេស) ដែលដើរយកអំណោយ អោយកូនក្មេង នៅពេលបុណ្យ កណ្ដាលរដូវធ្លាក់ទឹកកក។
តែបើទោះជាការនិទានតៗគ្នា មានយ៉ាងច្រើនសម្បូរបែប ពីរូបរាង«លោកតាណូអែល» យ៉ាងណាក៏ដោយ ក៏ពេលនេះ គេបានចាត់ទុកជាទូទៅថា«លោកតាណូអែល» ជាមនុស្សចាស់ចិត្តល្អម្នាក់ មានពុកមាត់សរវែង ស្លៀកពាក់ខោអាវក្រាស់ ពណ៌ក្រហម និងមានជាយពណ៌ស។ គាត់រស់នៅតំបន់ខាងជើងនៃផែនដី គ្របដណ្ដប់ដោយព្រិល និងដើរចែកអំណោយឲ្យដល់ក្មេងៗ។ «លោកតាណូអែល» មានយានជំនិះមួយ អាចហោះបាន និងចូលចែកអំណោយ តាមបំពង់ផ្សែងនៃចង្ក្រានកម្ដៅ តាមផ្ទះនីមួយៗ។
ចំពោះថ្ងៃទី២៥ ខែធ្នូនេះ វាជាការកំណត់ផ្សេងមួយទៀត ដើម្បីរំលឹកពីថ្ងៃចាប់កំណើតព្រះយេស៊ូ គ្រឹស្ដ៍ ដោយយោងទៅលើអត្ថបទសរសេរទុក នៅក្នុងព្រះគម្ពី អេវ៉ង់ជីល ( Évangiles) របស់បុព្វជិក លុច និង ម៉ាទីជើ។ ប៉ុន្តែថ្ងៃនេះ មិនមានទំនាក់ទនងអ្វីនឹងរូបរាងតំណាងរបស់«លោកតាណូអែល» ដែលបើតាមការរៀបរាប់ខាងលើ ជាពិធីបុណ្យដែលត្រូវបានប្រារព្ធ នៅមុនថ្ងៃទី២៥ ខែធ្នូនោះឡើយ។
នៅពេលបច្ចុប្បន្ន មានប្រទេសជាច្រើនផ្សេងទៀត ដែលមិនមានទំនៀមទំលាប់បែបសាសនាគ្រឹស្ត៍ ដូចយ៉ាងប្រទេសចិន ថៃ ឬកម្ពុជាជាដើម បានកំណត់យកថ្ងៃទី ២៥ធ្នូ ដើម្បីធ្វើបុណ្យ «សានតា ក្លូស» ឬ«សាំង នីកូឡា» ឬ«លោកតាណូអែល» ហើយពួកគេបានតុបតែងផ្ទះសម្បែង ឬទីក្រុង ដើម្បីជាឱកាស ចែកចាយអំណោយ ឬរង្វាន់ទៅឲ្យផងគ្នា បរិភោគអាហារឆ្ងាញ់ៗ ជាលក្ខណៈសប្បាយជួបជុំគ្រួសារ៕
«លោកតាណូអែល» ក៏ត្រូវបានគេប្រារព្វ យករូបរាងតាម ជូលេនីស (Julenisse) មនុស្សតូចល្អិតមានពុកមាត់ស ពាក់មួកវែងស្រួចចុង របស់ជនជាតិអ៊ឺរ៉ុបខាងជើង (ស៊ុយអែដ និងណ័រវេស) ដែលដើរយកអំណោយ អោយកូនក្មេង នៅពេលបុណ្យ កណ្ដាលរដូវធ្លាក់ទឹកកក។
តែបើទោះជាការនិទានតៗគ្នា មានយ៉ាងច្រើនសម្បូរបែប ពីរូបរាង«លោកតាណូអែល» យ៉ាងណាក៏ដោយ ក៏ពេលនេះ គេបានចាត់ទុកជាទូទៅថា«លោកតាណូអែល» ជាមនុស្សចាស់ចិត្តល្អម្នាក់ មានពុកមាត់សរវែង ស្លៀកពាក់ខោអាវក្រាស់ ពណ៌ក្រហម និងមានជាយពណ៌ស។ គាត់រស់នៅតំបន់ខាងជើងនៃផែនដី គ្របដណ្ដប់ដោយព្រិល និងដើរចែកអំណោយឲ្យដល់ក្មេងៗ។ «លោកតាណូអែល» មានយានជំនិះមួយ អាចហោះបាន និងចូលចែកអំណោយ តាមបំពង់ផ្សែងនៃចង្ក្រានកម្ដៅ តាមផ្ទះនីមួយៗ។
ចំពោះថ្ងៃទី២៥ ខែធ្នូនេះ វាជាការកំណត់ផ្សេងមួយទៀត ដើម្បីរំលឹកពីថ្ងៃចាប់កំណើតព្រះយេស៊ូ គ្រឹស្ដ៍ ដោយយោងទៅលើអត្ថបទសរសេរទុក នៅក្នុងព្រះគម្ពី អេវ៉ង់ជីល ( Évangiles) របស់បុព្វជិក លុច និង ម៉ាទីជើ។ ប៉ុន្តែថ្ងៃនេះ មិនមានទំនាក់ទនងអ្វីនឹងរូបរាងតំណាងរបស់«លោកតាណូអែល» ដែលបើតាមការរៀបរាប់ខាងលើ ជាពិធីបុណ្យដែលត្រូវបានប្រារព្ធ នៅមុនថ្ងៃទី២៥ ខែធ្នូនោះឡើយ។
នៅពេលបច្ចុប្បន្ន មានប្រទេសជាច្រើនផ្សេងទៀត ដែលមិនមានទំនៀមទំលាប់បែបសាសនាគ្រឹស្ត៍ ដូចយ៉ាងប្រទេសចិន ថៃ ឬកម្ពុជាជាដើម បានកំណត់យកថ្ងៃទី ២៥ធ្នូ ដើម្បីធ្វើបុណ្យ «សានតា ក្លូស» ឬ«សាំង នីកូឡា» ឬ«លោកតាណូអែល» ហើយពួកគេបានតុបតែងផ្ទះសម្បែង ឬទីក្រុង ដើម្បីជាឱកាស ចែកចាយអំណោយ ឬរង្វាន់ទៅឲ្យផងគ្នា បរិភោគអាហារឆ្ងាញ់ៗ ជាលក្ខណៈសប្បាយជួបជុំគ្រួសារ៕
Post a Comment