ពិតជាអស្ចារ្យមែន!!! ពេលនេះ ឪពុក ចាន់ វឌ្ឍនាកា ទទួលបានការតែងតាំងតួនាទីថ្មីខ្ពស់ជាងមុនទៀត

បន្ទាប់ពីកាន់តំណែងជាអភិបាលខេត្តកំពតប្រមាណជាង ១ឆ្នាំ ឯកឧត្តម ចាន់ ចេស្តា ត្រូវបានព្រះមហាក្សត្រកម្ពុជា ចេញព្រះរាជក្រឹត្យផ្ទេរតំណែងទៅកាន់ក្របខ័ណ្ឌដើមនៅក្រសួងកសិកម្មរុក្ខាប្រមាញ់ និងនេសាទ ជំនួសវិញដោយឧត្តម ជាវ តាយ ដែលធ្លាប់ជាអភិបាលរងខេត្តកណ្តាល។

ព្រះរាជក្រឹត្យនោះ ចុះថ្ងៃទី០២ ខែមករា ឆ្នាំ២០១៨ បានត្រាស់បង្គាប់ផ្ទេរភារកិច្ច ឯកឧត្តម ចាន់ ចេស្តា ឋានន្តរស័ក្តិឧត្តមមន្ត្រីថ្នាក់លេខ៤ នៃក្របខណ្ឌមន្ត្រីគ្រប់គ្រងរដ្ឋបាលក្រសួងកសិកម្ម រុក្ខាប្រមាញ់ និងនេសាទ ពីអភិបាលខេត្តកំពត ឲ្យទៅបម្រើការងារនៅក្របខណ្ឌដើមវិញ។

យ៉ាងណាក្ដី ព្រះរាជក្រឹត្យរបស់ព្រះមហាក្សត្រនៅថ្ងៃនេះ បានតែងតាំងឯកឧត្តម ចាន់ ចេស្ដា ជាអនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ។ គួរបញ្ជាក់ថា មុនក្លាយជាអភិបាលខេត្តកំពត ឯកឧត្តម ចាន់ ចេស្ដា ធ្លាប់ជាប្រធានមន្ទីរ កសិកម្ម រុក្ខាប្រមាញ់ និងនេសាទ នៅខេត្តនោះផ្ទាល់៕