រកឃើញហើយប្រជាជនក្នុងប្រទេសមួយដែលចូលចិត្តមើលរឿងសិចច្រើនជាងគេ គឺនៅមិនឆ្ងាយពីប្រទេសកម្ពុជាយើងទេ

វិបសាយរឿងក្ដៅសាច់ដ៏ធំមួយបានបង្ហាញរបាយការណ៍ប្រចាំឆ្នាំ ២០១៧ ដែលមានបង្ហាញថាប្រទេសណាទស្សនារឿងប្រភេទនេះយូរជាងគេបំផុត។ ក្នុងនោះផងដែរបើតាមរយៈរបាយការណ៍បង្ហាញថា ប្រទេសហ្វីលីពីនចំណាយពេលជាមធ្យម ១៣ នាទី និង ២៨ វិនាទី លើការទស្សនារឿងក្ដៅសាច់ ដោយឈរនៅចំណាត់ថ្នាក់លើគេបង្អស់។ បើមើលលើរយៈពេលទស្សនាជាមធ្យមនៅលើសកលលោកមានត្រឹមតែ ៩ នាទី ៥៩ វិនាទីប៉ុណ្ណោះ។

បន្ថែមពីនេះរយៈពេលទស្សនារបស់ប្រជាជននៅហ្វីលីពីនបានកើនឡើង ៤៣ វិនាទី ធៀបនឹងឆ្នាំមុន ដែលមានរយៈពេល ១២ នាទី ៤៥ វិនាទី ហើយកាលពីឆ្នាំមុនប្រទេសនេះក៏ស្ថិតនៅចំណាត់ថ្នាក់កំពូលដែរ។

គួរឲ្យដឹងបន្ថែមទៀតថា ប្រទេសហ្វីលីពីនបានកាន់កាប់តំណែងនេះរយៈពេល ៤ ឆ្នាំជាប់គ្នាមកហើយ។ ប្រទេសអាស៊ីដទៃទៀតដែលស្ថិតក្នុងបញ្ជីមានជប៉ុន, កូរ៉េខាងត្បូង, ថៃ, វៀតណាម, ស្រីលង្កា, តៃវ៉ាន់ និងរុស្សីជាដើម៕