ឧត្តមសេនីយ៍ឯក ឌី វិជ្ជា ដែលជាកូនប្រុសរបស់លោក ហុក ឡង់ឌី ត្រូវបានតែងតាំងជា អគ្គស្នងការរងនគរបាលជាតិហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានចេញអនុក្រឹត្យតែងតាំងលោកឧត្តមសេនីយ៍ឯក ឌី វិជ្ជា ជាអគ្គស្នងការរងនគរបាលជាតិ។ នេះបើតាមអនុក្រឹត្យរបស់ប្រមុខរាជរដ្ឋាភិបាល ដែលបានប្រកាសជាផ្លូវការកាលពីថ្ងៃទី១៦ ខែមករា ឆ្នាំ២០១៨។

បើតាមអនុក្រឹត្យបានបញ្ជាក់ថា «តែងតាំងមុខតំណែងលោកឧត្តមសេនីយ៍ឯក ឌី​ វិជ្ជា អត្តលេខ០១២៧៨ ពីប្រធាននាយកដ្ឋានកណ្តាលសន្តិសុខ ទៅជាអគ្គស្នងការរង នៃអគ្គស្នងការដ្ឋាននគរបាលជាតិ»។

គួររំលឹកឡើងវិញផងដែរថា លោក ឌី វិជ្ជា គឺ​ជា​ស្វាមី​របស់​ លោក​ជំទាវ ហ៊ុន ម៉ាណា ដែល​ជា​កូន​ស្រី​របស់​សម្ដេច​តេជោ ហ៊ុន សែន ហើយក៏ជាកូនប្រុសបង្កើតរបស់លោក ហុក ឡង់ឌីផងដែរ៕ ​​សូមអានខ្លឹមសារលម្អិត នៅក្នុងអនុក្រឹត្យខាងក្រោមនេះ៖