រូបភាព និងសាររបស់ តារាសម្តែង ឌុច លីដា ពិតជាបង្កប់ន័យជ្រៅណាស់

តារាស្រស់ស្អាត សិចស៊ី ឌុច លីដា កាន់តែមមាញឹកជាមួយអាជីពតារាសម្ដែងរបស់ខ្លួន ពីមួយថ្ងៃទៅមួយថ្ងៃ ជាពិសេសក្នុងឆ្នាំនេះតែម្តង ។ តែទោះបីជារវល់យ៉ាងណា តារាស្រីដ៏ឆ្នើមដួងនេះ ក៏មិនភ្លេចប្រលែងខ្លួនជាមួយរូបរាងសិចស៊ី បញ្ចេញដើមទ្រូងបង្អួតភ្នែកមហាជនដែរ ។ ត្រង់ចំណុចមួយនេះ ឌុច លីដា រឹតតែទាក់បានប្រជាប្រិយភាពមួយកម្រិតទៀត ។

ដោយឡែកនៅមុននេះ តារាសម្ដែងដ៏ប៉ិនប្រសប់ ឌុច លីដា បែរជាបង្ហោះរូបថតក្នុងសភាពតោកយ៉ាកនៅលើគណនីហ្វេសប៊ុករបស់ខ្លួនទៅវិញ ធ្វើឱ្យអ្នកប្រើប្រាស់បណ្ដាញសង្គមនេះ ភ្ញាក់ផ្អើលគ្រប់គ្នា ព្រោះកន្លងមកគេធ្លាប់តែឃើញនាងស្លៀកពាក់ហ៊ឺហារស័ក្តិសមជាតារាស្រីជួរមុខដ៏ល្បីមួយដួង ។

ការពិតរូបភាពដែលស្រីស្អាត ឌុច លីដា បង្ហាញខាងលើនេះ គឺជាឈុតឆាកមួយក្នុងការសម្ដែងប៉ុណ្ណោះ ប៉ុន្ដែរឿងដែលមហាជនចាប់អារម្មណ៍ជាងនេះគឺ ពាក្យសម្ដីបង្កប់ន័យអប់រំរបស់នាងតែម្ដង ដោយនាងបានសរសរសេរថា «កើតមកក្រមិនខុសទេអោយតែយើងចេះតស៊ូរខំប្រឹងដោយញើសឈាមរបស់យើងទៅ តែដាច់ខាត់កុំបោកប្រាស់អ្នកដទៃដើម្បីតែផលប្រយោជន៍ខ្លួន»។