បបួលគ្នាទៅលេងទឹក ដូចបបួលគ្នាទៅស្លាប់អញ្ចឹង ពិតជាអាសូរណាស់ ស្លាប់ពីរនាក់ សង្គ្រោះបានម្នាក់ (មានវីដេអូ)

ខេត្តព្រៃវែង ៖ វេលាម៉ោង ១២ និង ១៥នាទីនៅថ្ងៃអាទិត្យ ១១កើត ខែផល្គុន ព.ស ២៥៦១ ត្រូវនឹងថ្ងៃទី២៥ ខែ កុម្ភៈ គ.ស ឆ្នាំ២០១៨នេះ នៅចំណុចដីដុះ ភូមិសាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង មានករណីគ្រោះថ្នាក់ដោយការលង់ទឹកមួយ បានកើតឡើង បណ្តាលឱ្យមនុស្ស២នាក់ស្លាប់និងម្នាក់ទៀតសង្គ្រោះជីវិតបានទាន់ពេលវេលា ។

ចំពោះជនរងគ្រោះទាំង៣នាក់មានរួមមាន ១. ឈ្មោះ និល សុផានុត ភេទប្រុស អាយុ ១៨ឆ្នាំ បានស្លាប់ ២.ឈ្មោះ យស់ ចាន់រស្មី ភេទស្រី អាយុ ១៨ឆ្នាំ បានស្លាប់ ៣.ឈ្មោះ លន់ វិចិត្ត ភេទប្រុស អាយុ ១៨ឆ្នាំ សង្រ្គោះបាន។

អ្នកទាំង៣នាក់ រស់នៅភូមិតាអុក ឃុំវាលស្បូវ ខ័ណ្ឌច្បាអំពៅ រាជធានីភ្នំពេញ ។ ហើយមូលហេតុដែលនាំដល់ការលង់ទឹកនេះដោយ អ្នកទាំងបីបបួលគ្នាមកលេងទឹកទន្លេ នៅពេលទឹកនាច នៅចំណុចដីដុះ តែជនរងគ្រោះមិនចេះហែលទឹកទេក៏បណ្ដាលអោយផុតជើងលង់ស្លាប់ពីរនាក់ និងសង្គ្រោះបន្ទាន់ម្នាក់ នៅមន្ទីពេទ្យបង្អែកពាមជរ៕