ក្រុមរាំរបស់ នាយ ចឺម ជួបរឿងស៊យដែលស្ទើរតែមិននឹកស្មានដល់ នៅខេត្តក្រចះ (មានវីដេអូស្តែងៗតែម្តង)

មួយរយៈចុងក្រោយនេះ នាយ ចឺម ត្រូវបានទស្សនិកជនមានការតាមដានជាខ្លាំង មិនថាតែក្នុងវិស័យសិល្បៈទេ សូម្បីតែរឿងផ្ទាល់ខ្លួនរបស់លោកក៏អញ្ចឹងដែរ នេះក៏ដោយសារលោកកំពុងតែល្បីល្បាញ និងឡើងកូដជាខ្លាំងមួយរយៈពេលចុងក្រោយនេះ ដែលរាប់ចាប់តាំងពីលោកនៅជាតារាកំប្លែងជាមួយក្រុមនាយ ពែកមី ម្លេស។

សម្រាប់ពេលថ្មីៗនេះក៏មានរឿងកើតឡើងមួយដែលសឹងតែគ្មាននរណាគិតដល់ចំពោះក្រុមរាំរបស់នាយ ចឺម តែម្តង ព្រោះបានធ្វើឲ្យអ្នករាំម្នាក់ធ្លាក់ចុះទៅក្រោមឆាក ដោយសារតែការតំឡើងឆាកមួយនេះអាចមិនបានល្អក៏ថាបាន តែចេះសំណាងដោយអ្នករាំម្នាក់នេះមិនមានរងរបួសអ្វីធ្ងន់ធ្ងរនោះទេ។ ក្នុងនោះផងដែរបើតាមដឹងអ្នករាំម្នាក់នេះមានឈ្មោះថា ពុយ។

គួរបញ្ជាក់ផងដែរថាការប្រគំតន្ត្រីមួយនេះធ្វើឡើងនៅស្រុកស្នូល ខេត្តក្រចះ កាលពីថ្ងៃទី៦ ខែកុម្ភៈ ឆ្នាំ២០១៨ ដែលទើបតែកន្លងទៅថ្មីៗនេះទេ។ តែទោះជាយ៉ាងណាក្តីក៏កម្មវិធីមួយនេះនៅដំណើរការរហូតដល់ចប់ផងដែរ ជាមួយការគំាទ្រយ៉ាងខ្លាំងពីទស្សនិកជនដែលមកទស្សនានៅទីនោះ៕