រន្ធត់ណាស់ ពេលឃើញវីដេអូ នៃការស្លាប់របស់ក្មេងប្រុសម្នាក់នេះ ដោយរថយន្តបុកចំពេញទំហឹងតែម្តង (មានវីដេអូ)

កណ្តាល៖ មានហេតុការណ៍មួយបានកើតឡើងនៅ ថ្ងៃទី២៤ ខែកុម្ភះ ឆ្នាំ២០១៨ វេលាម៉ោង១៥ និង៣៥នាទី ចំណុចនៅមុខផ្សារគគីរ ផ្លូវជាតិលេខ១ នៅចន្លោះគីឡូតិ៍ម៉ែត្រ១៨-១៩ ស្ថិតក្នុងភូមិគគីរ ឃុំគគីរ ស្រុកកៀនស្វាយ ខេត្តកណ្ដាល ដែលគ្រោះថ្នាក់ចរាចរណ៍មួយបានបណ្តាលឲ្យក្មេងប្រុសម្នាក់បានស្លាប់ភ្លាមៗនៅកន្លែងកើតហេតុ ដោយសាររថយន្ត២គ្រឿងបានបុកគ្នារួចជ្រុលចង្គូត ទៅបុកជនរងគ្រោះ។

លោក ហង្ស ផាណារ៉ា អធិការរងស្រុកផ្នែកចរាចរណ៍បានឱ្យដឹងថា ម្ចាស់រថយន្ត HYUNDIAពណ៌សពាក់ផ្លាកលេខភ្នំពេញ1GD-4261ឈ្មោះ ឃាង ហៃ ភេទប្រុស អាយុ ២៧ឆ្នាំ (ខ្មែរ)មុខរបរបើកបរ មានទីលំ ភូមិ អំពិលទឹក ឃុំកំពង់ភ្នំ ស្រុក លើកដែក ខេត្តកណ្តាល បើកបររថយន្តក្នុងទិសដៅ អ្នកលឿងភ្នំពេញ ។ បុកជាមួយរថយន្តប្រភេទ Toyota កូឡា ពណ៌ទឹកប្រាក់ ពាក់ផ្លាកលេខ (ភ្នំពេញ 2D 8611) បើកបរដោយឈ្មោះ អ៑ុំ សុផល ភេទប្រុស អាយុ ៤៣ឆ្នាំ មុខរបរ បុក្កលិកក្រុមហ៑ុនជី ភ្នំពេញ អ្នកលឿងទៅភ្នំពេញ។ ជនរងគ្រោះកុមារាឈ្មោះ អិុន ជុំច័ន្ទបញ្ញា ភេទប្រុស អាយុ ១១ ឆ្នាំ(ស្លាប់) មានលំនៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល។

សមត្ថកិច្ចបានឲ្យដឹងថា នៅវេលាម៉ោងខាងលើរថយន្តម៉ាក hyundia បើកបរក្នុងទិសដៅ អ្នកលឿង ទៅភ្នំពេញ លុះមកដល់ចំណុចកើតហេតុខាងលើ រថយន្តម៉ាកhyundia ដាច់ហ្វ្រាំងរ៉េចង្កូតបុករថយន្តម៉ាក កូឡា ដែលបើកបរក្នុងទិសដៅ ច្រាស់ទិសក្នុងទិសដៅភ្នំពេញ អ្នកលឿង ហើយរថយន្តម៉ាក hyundia មិនអស់ល្បឿន ក៏បានបុកកុមារា អិុន ជុំច័ន្ទបញ្ញា ដែលឈររៀបចំឆ្លងផ្លូវបណ្តាលអោយស្លាប់ភ្លាមៗនៅកន្លែងកើតហេតុ។

ក្រោយកើតហេតុលោក ពៅ គីមលី អភិបាលរងស្រុកកៀនស្វាយ និងសមត្ថកិច្ចជំនាញបានចុះទៅធ្វើការវាស់វែងហើយប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី ដោយឡែកវត្ថុតាងនិងអ្នកបើករថយន្តយកទៅអធិការនគរបាលស្រុកកៀនស្វាយដើម្បីបន្តនីតិវិធី ៕