ពិតជាពូកែស្រែកមែន!!! បេក្ខនារី លីន សោម៉ា ធ្វើឲ្យកក្រើកនៅវគ្គ Live Show យប់មិញទៀតហើយ (មានវីដេអូ)

ពីមួយវគ្គទៅមួយវគ្គបេក្ខនារី លីន សោម៉ាពិតជាធ្វើបានល្អណាស់ រហូតឈានដល់វគ្គ Live Show កាលពីយប់មិញនេះទៀត ដោយប្អូនម្នាក់នេះបានលើកយកបទចម្រៀងមួយបទក្រោមចំណងជើងថា
"បងដកអូនស្មើសូន្យ" ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី ៣។ ដែលវគ្គមួយនេះពិតជាពិសេសមែនទែន ព្រោះធ្វើការ Live បន្តផ្ទាល់នូវអ្វីដែលបេក្ខជន បេក្ខនារីទាំងអស់ឡើងប្រឡង។

ប្អូនស្រីម្នាក់នេះពិតជាធ្វើបានល្អខ្លាំងណាស់ជាមួយកាយវិការ ទឹកដមសម្លេងយ៉ាងពិរោះរណ្តំ ហើយមិនត្រឹមតែប៉ុណ្ណោះទេប្អូនបានធ្វើឲ្យអ្នកទស្សនាជាច្រើនបានស្វាគមន៍យ៉ាងខ្លាំងថែមទៀតផង ហើយមួយវិញទៀតអ្វីដែលរឹតតែពិសេសថែមទៀតនោះ មាឌតូចសោះតែបើស្រែកវិញឡើងកប់តែម្តង ពិតជាស្រែកបានខ្លាំង ហើយមិនភ្លាត់សម្លេងថែមទៀតផង។

គួររំលឹកឡើងវិញផងដែរថា ប្អូនស្រី លីន សោម៉ា គឺជាបេក្ខនារីមួយរូបដែលធ្លាប់បានទទួលជ័យលាភីជាជើងឯកក្នុងកម្មវិធី ផ្កាយរះក្នុងសួន ដែលរៀបចំឡើងដោយស្ថានីយ៍ទូរទស្សន៍អប្សរាកាលពីថ្ងៃទី១៤ ខែមករា ឆ្នាំ២០១៧ កាលពីឆ្នាំមុននេះ៕

***ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។
រក្សាសិទ្ធិដោយ kampuchea1979.blogspot.com