ឡូយមែន!!! MV ដំបូងរបស់ ពេជ្រ ថៃ ម្ចាស់ពាន The Voice Kids ជិតចេញហើយ សុទ្ធតែថតជាមួយកំពូលតារាចម្រៀងទៀត

លោក កៅ សីហា ត្រូវបានមហាជនជាច្រើនធ្លាប់បានស្គាល់រួចមកហើយថាជាអ្នកដឹកនាំបទចម្រៀងប្រចាំផលិតកម្មរស្មីហង្សមាស ដ៏ល្បីមួយរូប។ ចំណែកកាលពីម្សិលមិញនេះ នាថ្ងៃទី៩ ខែកុម្ភៈ ឆ្នាំ២០១៨ លោកក៏បានបង្ហោះរូបភាពមួយសន្លឺកក្នុងហ្វេសប៊ុករបស់ខ្លួន ដែលរូបមួយសន្លឺកនេះ មានរូបលោក ប្អូនប្រុស ពេជ្រ ថៃ លោក Step និង តារាចម្រៀងកំពុងតែល្បីម្នាក់ទៀត គឺ ពេជ្រ សោភា។

ដោយក្នុងនោះផងដែរ អ្វីដែលរឹតតែធ្វើឲ្យទស្សនិកជនមានការភ្ញាក់ផ្អើលជាខ្លាំងនោះ លោកបានសរសេរថា "MV ដំបូងរបស់ពេជ្រ ថៃ ម្ចាស់ពាន the voice kids"។ ដូចនេះគឺមានន័យថា ប្អូនប្រុស ពេជ្រ ថៃ នឹងបញ្ចេញ MV ក្នុងពេលឆាប់ៗខាងមុខនេះជាក់ជាមិនខាន ហើយអ្វីដែលរឹតតែពិសេសថែមទៀតនោះ អាចសម្តែងរួមគ្នាជាមួយកំពូលតារាចម្រៀងល្បីៗថែមទៀតផង នេះបើមើលតាមរូបភាពមួយសន្លឹកនេះ។

ដូចនេះមានតែរងចាំមើលទាំងអស់គ្នាហើយមើលទៅ ថា MV របស់ ពេជ្រ ថៃ ដំបូងនេះគឺជាបទអ្វី? ដោយក្នុងនោះលោក កៅ សីហា ក៏មិនបានបញ្ជាក់ថាបទអ្វីដែរ គ្រាន់តែលោកតបសារអ្នកសួរវិញថា "Sooner..." គឺមានន័យថា នឹងចេញឆាប់ៗខាងមុននេះហើយ៕