រន្ធត់ណាស់លោកអើយ ជិតចូលរោងការផង!!! ប្អូនស្រីដែលជួបគ្រោះថ្នាក់ចរាចរណ៍រវាងម៉ូតូ និងម៉ូតូ ពេលនេះគាត់ស្លាប់បាត់ទៅហើយ

កាលពីម្សិលមិញនេះគេឃើញក្នុងហ្វេសប៊ុករបស់បងប្រុសម្នាក់ឈ្មោះ Sinath Sim គាត់បានបង្ហោះសារដ៏ក្រៀមក្រំមួយចំពោះហេតុការណ៍គ្រោះថ្នាក់ចរាចរណ៍រវាងម៉ូតូ និងម៉ូតូ ហើយពេលនេះនារីដែលឋិតក្នុងហេតុការណ៍ដ៏អាក្រក់មួយនេះក៏បានស្លាប់ផងដែរ ដោយក្នុងនោះបងប្រុសម្នាក់នេះក៏បានសរសេរសារបញ្ជាក់ផងដែរថា៖

"បើក្រុមម៉ូតូធំគាត់បើបរល្បឿនធម្មតាចាំបាច់ប្រណាំងប្រដេញគ្នាធ្វើអីឃើញទេខ្ញុំបាត់បង់ក្មួយស្រីដែលគាត់ត្រៀមខ្លួនទទួលសញ្ញាបត្រ័ នឹងជិតចូលរោងការផងនោះ ចំណែកគ្រួសារម្ខាងទៀតត្រូវទៅចោលប្រពន្ធ ចោលកូន ចឹងបងៗដែលបើកបរម៉ូតូធំគួរបន្ថយល្បឿនតិចទៅ តាមដឹងពួកបងជាមនុស្សដែលជួយសង្គមដែរ ក្មួយខ្ញុំជាយុវត្តីដ៍ល្អម្នាក់ទន់ភ្លន់រាបសារ មានការគោរពនឹងចេះដឹងម្នាក់ មានពាក្យថាស្ដាយស្ដាយស្ដាយក្មួយស្រីដ៍សុភាពទន់ភ្លន់លែងមានលឺពាក្យជំរាបសួម៉ាក់ប៉ានិាងជំរាបលាម៉មាក់ប៉ាទៅធ្វើការរាល់ថ្ងៃទៀតហើយ"។

គួរបញ្ជាក់ឡើងវិញផងដែរថា មានហេតុការណ៍ដ៏រន្ធត់មួយ បានកើតឡើងកាលពីវេលា ម៉ោង៧ និង៣០ នាទីព្រឹកថ្ងៃ៤ ខែមីនា​ ឆ្នាំ២០១៨ ដែលស្ថិតនៅចំណុចផ្លូវ៤៤ ភូមិត្រពាំងស្ទុង ឃុំស្នំក្រពើ ស្រុកគងពិសី ខេត្តកំពង់ស្ពឺ ដោយមានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូ២គ្រឿងម៉ាក BMW បានបុកគ្នាជាមួយម៉ូតូសង់សេ១២៥ បណ្តាលឲ្យប្រធានក្រុម MSC ម្នាក់ស្លាប់ និងរបួសធ្ងន់ម្នាក់។

សមត្ថកិច្ចបានឲ្យដឹងថា ករណីនេះគ្រោះថ្នាក់ចរាចរណ៍នេះ កើតឡើងរវាងម៉ូតូម៉ាក BMW ពណ៌ខ្មៅស៊េរីឆ្នាំ២០១៦ ពាក់ស្លាកលេខ ភ្នំពេញ 1CV-9602 បើកបរដោយឈ្មោះ កែវ សុវណ្ណ ភេទប្រុស អាយុ៤៧ឆ្នាំ ជាប្រធានក្រុម MSC ស្នាក់នៅក្នុងសង្កាត់ស្រះចក ខណ្ឌដូនពេញ បានជិះម៉ូតូតែម្នាក់ឯង លុះដល់ចំណុចកើតហេតុបានបុកជាមួយនឹងម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៤ បើកបរដោយស្ត្រីម្នាក់ ទិសដៅពីត្បូងទៅជើងបញ្ច្រាសទិសគ្នា ពេញទំហឹង បណ្តាលឲ្យភាគីអ្នកបើកម៉ូតូម៉ាក BMW ស្លាប់ភ្លាមៗនៅនឹងកន្លែង និងភាគីម៉ូតូសង់ រងរបួសធ្ងន់ត្រូវបានបានបញ្ជូនទៅសង្គ្រោះបន្ទាន់នៅមន្ទីរពេទ្យ តែពេលនេះប្អូនស្រីម្នាក់នេះក៏បាត់បង់ជីវិតផងដែរ៕