Header Ads

ក្តៅៗ!!! សម្ដេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ បានទទួលដំណឹងរបស់ លោកបណ្ឌិត ស៊ុយ សារ៉េត ហើយ ដោយពេលនេះ...

បើយោងតាមហ្វេសប៊ុករបស់លោក ផែង វណ្ណៈ មុននេះបន្តិច បានបង្ហោះសារមួយដែលបានបង្ហាញពីការសម្រាលទុក្ខលំបាករបស់ក្រុមគ្រួសារ លោកបណ្ឌិត ស៊ុយ សារ៉េត ដោយមានតំណាងដ៏ខ្ពស់ខ្ពស់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ ជួបសំណេះសំណាល​សួរសុខទុក្ខ ព្រមទាំងឧបត្ថម្ភថវិកា​មួយចំនួន​ ដោយក្នុងនោះ លោក ផែង វណ្ណៈ បានបញ្ជាក់បន្ថែមថា៖


"សម្ដេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ផ្ដល់ប្រាក់ឧបត្ថម្ភដល់គ្រួសារលោកបណ្ឌិត​ ស៊ុយ​ សារ៉េត​

នៅទីស្នាក់ការកណ្តាល នារសៀលថ្ងៃពុធ ១៣រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ១៤ ខែមីនា ឆ្នាំ២០១៨​ ​ លោកជំទាវ​ ម៉ែន​ នារីសោភ័គ​ តំណាងដ៏ខ្ពស់ខ្ពស់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ បានជួបសំណេះសំណាល​សួរសុខទុក្ខ​ជាមួយ​ កញ្ញា​ សារ៉េត​ សុផាធីតាពេជ្រ​ ពីស្ថានភាព​សុខភាពរបស់ ឪពុកកញ្ញា​ គឺ បណ្ឌិត​សាស្ត្រាចារ្យ ស៊ុយ សារ៉េត ដែលកំពុងសម្រាកព្យាបាលនៅមន្ទីរពេទ្យជោរ៉ៃ ប្រទេសវៀតណាម។


ក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី ១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើការសួរសុខទុក្ខ និងគិតគូរចំពោះសុខភាព​ ព្រមទាំងឧបត្ថម្ភថវិកា​មួយចំនួន​ជួយសម្រាលបន្ទុកនៃការព្យាបាល​ បណ្ឌិតសាស្ត្រាចារ្យ ស៊ុយ សារ៉េត និងសូមជូនពរឆាប់ជាសះស្បើយ និងមានសុខភាពរឹងមាំឡើងវិញ។


កញ្ញា​ សារ៉េត​ សុផាធីតាពេជ្រ​ និងប្អូនប្រុស បានសម្តែងនូវការដឹងគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានគិតគូរ មានក្តីមេត្តា ករុណា និងលើកទឹកចិត្តដល់ ក្រុមគ្រួសារ ព្រមទាំងបានឧបត្ថម្ភថវិកា​សម្រាលបន្ទុកព្យាបាល​ និងការសិក្សារបស់កូនៗ​៕"



គួររំលឹកឡើងវិញផងដែរថា ជនសង្ស័យប្រើអំពើហឹង្សារ​លើរូបលោក​បណ្ឌិត​ ស៊ុយ​ សារ៉េត​ ចំនួន​ ២ នាក់​ ត្រូវបានសមត្ថកិច្ចនគរបាលរាជធានីឃាត់ខ្លួនបាន​ហើយនៅរសៀលថ្ងៃទី១៤ ខែមីនា ឆ្នាំ២០១៨ កាលពីម្សិលមិញនេះ ។​

ឈ្មោះជនសង្ស័យ​៖​
១.ឈ្មោះ យាត ទិត្យា ប្រុស អាយុ២១ឆ្នាំ មុខរបរមិនពិតប្រាកដ អាស័យដ្ធាន ផ្ទះគ្នានលេខ ផ្លូវទី៧ ភូមិទួលគោក សង្កាត់​ទួលសង្កែ២ ខណ្ឌឬស្សីកែវ​ ។
២.ឈ្មោះ អាន វិនទី ប្រុស អាយុ ២១ឆ្នាំ មុខរបរជាងមាស អាស័យដ្ធាន ផ្ទះ១០០៥ ផ្លូវ១៩៤ ក្រុម៤០ ភូមិ៩ សង្កាត់ផ្សាដេប៉ូ១ ខណ្ឌទួលគោក​ ។​

សមត្ថកិច្ចកំពុងសាកសួរចម្លើយដើម្បីកសាងសំណុំរឿងបញ្ជូនទៅសាលាដំបូងរាជធា​នីភ្នំពេញ​ ចាត់ការតាមច្បាប់​ ។​
























No comments