អានរឿងលម្អិតនេះចប់ អាណិតម្នាក់ស្រីនេះខ្លោចចិត្ត!!! បុរសជាប្តីបានធ្វើទារុណកម្មផ្លូវភេទលើប្រពន្ធខ្លួន រហូតគំរាមឲ្យនាងអារប្រដាប់ភេទថែមទៀត

ភ្នំពេញ៖ មានការឃាត់ខ្លួនមួយបានធ្វើឡើងវេលាម៉ោង១០ព្រឹក ថ្ងៃទី២០ ខែមីនា ឆ្នាំ២០១៨ នៅចំណុចផ្ទះជួលលេខ១បន្ទប់លេខ៦ផ្លូវលំភូមិចោមចៅ២ សង្កាត់ចោមចៅ២ ខណ្ឌពោធិ៍សែនជ័យ ដោយកម្លាំងអាវុធហត្ថខណ្ឌពោធិ៍សែនជ័យ បានធ្វើការឃាត់ខ្លួនបុរសម្នាក់តាមពាក្យបណ្តឹងរបស់ស្ដ្រីជាប្រពន្ធ ខណៈបុរសជាប្តីចិត្តអប្រិយបានធ្វើទារុណកម្មផ្លូវភេទយ៉ាងសារហាវព្រៃផ្សៃ ដោយបានថតវីដេអូ ពេលរួមភេទ និងគំរាមឲ្យប្រពន្ធខ្លួនយកឡាមអារប្រដាប់ភេទទៀតផងដែលទង្វើនេះ ផ្ដើមចេញពីរឿងប្រច័ណ្ឌ។

ស្ត្រីរងគ្រោះមានឈ្មោះឡាយ វិល័យ អាយុ៣០ឆ្នាំ ស្នាក់នៅម្តុំកាណាស៊ីធី ផ្លូវវេងស្រេង និងប្តីជាជនសង្ស័យឈ្មោះនឹម ឈីន អាយុ៣៦ឆ្នាំ។

ស្ត្រីរងគ្រោះបានរៀបរាប់ទាំងទឹកភ្នែកថា ទោះបីជានាងនិងបុរសជាប្ដីប្រពន្ធមិនទាន់រៀបការពេញច្បាប់ក៏ពិតមែនតែនាងរស់នៅជាមួយគ្នាដូចប្ដីប្រពន្ធទៅហើយ តែក្នុងរយៈពេលចុងក្រោយនេះលោកប្តីចិត្តអប្រិយធ្វើទុក្ខបុកម្នេញដល់រូបនាងដូចជារករឿងមិនសូវលោះពេលហើយចុងក្រោយនេះលោកប្ដីបានធ្វើទារុណកម្មផ្លូវភេទយ៉ាងព្រៃផ្សៃ បំផុតដោយរួមភេទហើយថតជាវីដេអូឃ្លីបទុក ថែមទាំងឲ្យស្ត្រីរងគ្រោះយកឡាមអាប្រដាប់ភេទខ្លួនឯងថែមទៀតផង ដោយសារតែទ្រាំនិងទង្វើប្តីមិនបានទើបនាងសម្រេចចិត្តរត់ទៅទីបញ្ជាការកងរាជអាវុធហត្ថដើម្បីសុំការអន្តរាគមន៍។

ក្រោយពីទទួលបានព័ត៌មានភ្លាមកម្លាំងអាវុធហត្ថក៏បានចុះទៅដល់បន្ទប់របស់ជនរងគ្រោះនិងធ្វើការឃាត់ខ្លួនបុរសជាប្តីយកទៅធ្វើការសាកសួនៅទីបញ្ជាការកងរាជអាវុធហត្ថរាជធានីភ្នំពេញដើម្បីសាកសួរបន្តពីដំណើររឿងថា តើហេតុអ្វីទើបហ៊ានធ្វើនូវទង្វើដ៏គួរឲ្យស្អប់ខ្ពើមបែបនេះ។ បើតាមមជ្ឈដ្ឋាននៅតំបន់នោះ បានបង្ហើបឲ្យដឹងថា ប្ដីរបស់នាងមានអារម្មណ៍ប្រច័ណ្ឌប្រពន្ធហួសហេតុពេក ដោយសារនាងមានសម្ផស្សស្អាតជាងខ្លួន ទើបគេចេះតែមានអារម្មណ៍រវើរវាយគិតច្រើនផ្ដេសផ្ដាសឈានដល់ការធ្វើសកម្មភាពដ៏ស្មោកគ្រោកនេះ៕