មិនអាចឲ្យ អតីត FRESHIE GIRL គីម ចាន់បូរមី ប្រារពពិធីសប្បាយរបស់ខ្លួនបានទេ ព្រោះប្អូនជាទីស្រឡាញ់ទើបស្លាប់ ជាមួយការនឹកស្រណោះស្ទើររៀងរាល់ថ្ងៃ

ប្អូនស្រីរបស់ របស់អតីត Freshie Girl គីម ចាន់បូរមី គឺប្អូនស្រីឈ្មោះ យស ច័ន្ទរស្មី អាយុ១៦ឆ្នាំ បានស្លាប់នៅថ្ងៃទី២៥ ខែកុម្ភៈ ឆ្នាំ២០១៨ នៅចំណុចដីដុះ ភូមិសាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង នៅពេលនាងនិងមិត្តភក្តិទៅលេងទឹកនៅទីនោះ ដោយមូលហេតុមិនចេះហែលទឹក ក៏បណ្ដាលអោយផុតជើងលង់ស្លាប់ពីរនាក់ និងសង្គ្រោះបន្ទាន់ម្នាក់ នៅមន្ទីពេទ្យបង្អែកពាមជរ។

ចំពោះពិធីបុណ្យគំរប់៧ថ្ងៃរបស់ប្អូនស្រី រស្មី ក៏ទើបតែបញ្ចប់ទៅកាលពីថ្ងៃទី៤ ខែមិនា ឆ្នាំ២០១៨ ផងដែរ ជាមួយការសោកស្តាយពីក្រុមគ្រួសារស្ទើរតែនឹកស្មានដល់។ បើទោះដល់ថ្ងៃនេះក៏ដោយ ក៏អារម្មណ៍នឹកស្តាយប្អូនស្រីម្នាក់នេះនៅតែដិតជាប់ក្នុងអារម្មណ៍របស់ក្រុមគ្រួសារមួយនេះផងដែរ ជាពិសេស គីម ចាន់បូរមី ដែលជាបងស្រីតែម្តង ដោយបងស្រីម្នាក់នេះតែងតែបង្ហោះរូបអនុស្សាវរីយ៍ទាំងឡាយដែលប្អូនស្រីម្នាក់នេះចូលចិត្ត ជាពិសេសសប្អូនស្រីម្នាក់នេះចូលចិត្តរូបថតតែម្តង។

អតីត Freshie Girl គីម ចាន់បូរមី ក៏មិនអាចរៀបចំកម្មវិធីរបស់ឲ្យសប្បាយបានដែរ ព្រោះប្អូនស្រីទើបស្លាប់ថ្មីៗ ព្រោះថ្ងៃទី២៧ ខែកុម្ភៈ ឆ្នាំ២០១៨ កន្លងទៅនេះគឺជាខួបស្រឡាញ់គ្នាជាមួយដៃគូរបស់គាត់បងដែរ៕