មង្គលការកូនស្រី អ្នកស្រី ហ៊ឹម ស៊ីវន កាលពីយប់មិញពិតជាសំបូរដោយទិដ្ឋភាពស្រស់ស្អាត គួរឲ្យគយគន់ណាស់ ជាពិសេសនោះ...

នៅថ្ងៃទី៨ ខែមេសា ឆ្នាំ២០១៨ នេះគឺជាថ្ងៃមង្គលការរបស់កូនស្រី កំពូលតារាចម្រៀង អ្នកស្រី ហ៊ឹម ស៊ីវន ដែលបានរៀបចំឡើងនៅ គេហដ្ឋានរបស់អ្នកស្រី នៅសង្កាត់ទួលសង្កែ ខណ្ឌ័ឫស្សីកែវ ដោយមានការចូលរួមពីសំណាក់ញាតិមិត្តទាំងសងខាង យ៉ាងច្រើនកុះករផងដែរ។ ចំពោះកូនកំលោះមានឈ្មោះថា ជា ទី រីឯកូនក្រមុំដែលត្រូវជាកូនស្រីរបស់អ្នកស្រី ហ៊ឹម ស៊ីវន វិញ មានឈ្មោះថា ពៅ ពេជ្រករុណា។

ចំណែកការជួបជុំញុាំអាហារពេលល្ងាច បានប្រព្រឹត្តទៅ នៅកោះពេជ្រ ព្រមជាមួយការលុបតែងហាងសម្រាប់ពិធីមង្គលការនេះ ពិតជាស្រស់ស្អាត គួរឲ្យគយគន់ជាខ្លាំង មិនត្រឹមតែប៉ុណ្ណោះទេ គេក៏បានឃើញមានការចូលរួមពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងតារាប្រុសស្រីល្បីៗជាច្រើនរូបទៀតផងដែរ។ មួយវិញទៀត បើក្រឡេកមើលមុខម្ហូបវិញ គ្រាន់តែឃើញគួរឲ្យចង់ញុាំតែម្តង៕