អតីតកំពូលជើងឯកខ្សែប្រយុទ្ធ Manchester United គឺលោក Van Nistelrooy បានមកដល់ខ្មែរបាត់
នៅមុននេះបន្តិច បើយោងតាមហ្វេសប៊ុកមួយឈ្មោះ "Kroko ក្រគរ ជួយ ក្រគរ" បានបង្ហោះរូបភាពប៉ុន្មានសន្លឹកពី អតីតកំពូលជើងឯកខ្សែប្រយុទ្ធរបស់ក្រុមបាល់ទាត់នៅអង់គ្លេស Manchester United គឺ លោក Ruud van Nistelrooy បានមកដល់កម្ពុជាយើងហើយ។ ក្នុងនោះផងដែរហ្វេសប៊ុកមួយនេះបានសរសេរសារខ្លីមួយផងដែរថា៖
"អតីតកំពូលជើងឯកខ្សែប្រយុទ្ធរបស់ Manchester United លោក Ruud van Nistelrooy បានមកទស្សនាកំសាន្តរាជធានីភ្នំពេញនិងប្រាសាទអង្គរវត្ត ។ សន្តិភាពនិងវឌ្ឍនភាពរបស់ប្រទេសយើងបានធ្វើឲ្យកម្ពុជាជាប្រទេសមួយទទួលការវិនិយោគនិងទេសចរណ៍ច្រើនទៅៗ ។"
លោក Ruud van Nistelrooy ត្រូវបានចាត់ទុកថាជាកីឡាករដ៏ឆ្នើមបំផុតម្នាក់ក្នុងជំនាន់របស់គាត់ដោយស៊ុតបញ្ចូលទីបាន ១៥០ គ្រាប់ក្នុង ២១៩ ប្រកួតសម្រាប់ក្រុម Manchester United និងជាកីឡាករស៊ុតបញ្ចូលទីបានច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លិបនេះ។ កីឡាករខ្សែប្រយុទ្ធសញ្ជាតិហូឡង់រូបនេះល្បីឈ្មោះជាកីឡាករស៊ុតបាល់បញ្ចូលទីច្រើនជាងគេបីសម័យកាលក្នុងក្របខ័ណ្ឌ UEFA Champions League ដែលលោកបានបង្ហាញខ្លួនចំនួន ៨១ លើក ដោយស៊ុតបញ្ចូលទីបាន ៦០ គ្រាប់៕
"អតីតកំពូលជើងឯកខ្សែប្រយុទ្ធរបស់ Manchester United លោក Ruud van Nistelrooy បានមកទស្សនាកំសាន្តរាជធានីភ្នំពេញនិងប្រាសាទអង្គរវត្ត ។ សន្តិភាពនិងវឌ្ឍនភាពរបស់ប្រទេសយើងបានធ្វើឲ្យកម្ពុជាជាប្រទេសមួយទទួលការវិនិយោគនិងទេសចរណ៍ច្រើនទៅៗ ។"
Post a Comment