អីក៏ច្រើនយ៉ាងនេះ!!! ព្រះសង្ឃដែលគង់ក្នុងវត្តសសរ១០០ ស្រុកសំបូរ បានពុលត្រីខ ដល់ទៅ ៨៥អង្គឯណោះ

ក្រចេះ៖ ព្រះសង្ឃប្រមាណជិត១០០អង្គគង់នៅវត្តសសរ១០០ ស្ថិតនៅភូមិសំបូរ ឃុំសំបូរ ស្រុកសំបូរ ខេត្តក្រចេះ កាលពីព្រឹកថ្ងៃទី១៥ ខែវិច្ឆកា ឆ្នាំ២០១៧ បានពុលត្រីខ។

អធិការងស្រុកសំបូរលោក នួន សារិន បានឲ្យដឹងថា ករណីនេះ​ នៅពេលព្រះសង្ឃឆាន់ចង្ហាន់ពេលព្រឹក (ត្រីខ)​ ហើយស្រាប់​តែព្រះសង្ឃចំនួន៨៥អង្គ មានអាការៈវិលមុខ ឈឺក្បាល ធីងធូង ត្រូវបានបញ្ជូនទៅសម្រាកព្យាបាលនៅមណ្ឌលសុខភាពស្រុកសំបូរភ្លាមៗ។

លោកអធិការរង បន្ដទៀតថា ក្រោយពីសួរនាំចុងភៅនៅវត្តសរសរ១០០ គឺគាត់បានទិញត្រីនៅផ្សារយកទៅខជាចង្ហាន់ពេលព្រឹក ហើយត្រីទាំងនោះជាប្រភេទត្រីគល់ព្រិច ត្រី​លលកស ត្រីសំបកស្រឡៅ ហើយព្រះសង្ឃដែលមានអាការៈធ្ងន់ធ្ងរ មានចំនួន៣៥អង្គរកំពុងសម្រាកព្យាបាលនៅមណ្ឌលសុខភាព តែរហូតមកដល់ពេលនេះអាការៈបានធូរស្បើយខ្លះឡើងវិញហើយ៕