ពេលបានអានហើយ ពិតជាខ្លោចចិត្តណាស់!!!! រត់ម៉ូតូឌុបអត់មានអ្នកជិះរហូតដល់ដាច់បាយ ហើយក៏គ្មានលុយទិញអង្ករដាំបាយឲ្យកូនទៀត

កាលពីម្សិលមិញគេឃើញក្នុងហ្វេសប៊ុករបស់បងប្រុសម្នាក់ឈ្មោះ Cham Nan គាត់បានរៀបរាប់ពីពូរត់ម៉ូតូឌុបម្នាក់ ក្រោយពេលបានស្តាប់ហើយពិតជាខ្លោចចិត្តខ្លាំងណាស់ នេះហើយជីវិតអ្នកក្រ រកមួយថ្ងៃ ចាយមួយថ្ងៃ ដោយមានពេលខ្លះដាច់បាយដូចជាពូម៉ូតូឌុបម្នាក់នេះអញ្ចឹង។

ក្នុងនោះផងដែរគាត់មិនមែនមានតែម្នាក់ឯងទៀត គឺគាត់មានកូនកំពុងរង់ចាំគាត់នៅឯផ្ទះទៀតផង ចុះបើគាត់ដាច់បាយទៅហើយ តើកូនរបស់គាត់បានអីហូប? នេះចេះសំណាងល្អបានជួបបងប្រុសខាងលើបានជូនលុយគាត់ខ្លះ បើមិនដូចនេះទេប្រហែលជាអត់បាយទាំងឪពុក និងកូនហើយមើលទៅ។ ហើយក្នុងនោះផងដែរបងប្រុសខាងលើបានរៀបរាប់បន្ថែមទៀតថា៖

"ថ្ងៃមិញខ្ញុំបានឃើញពូម៉ូតូឌុបម្នាក់ ពាក់អាវភ្លៀង ហើយគាត់បានគេងជ្រក់ភ្លៀងក្រោមដើឈើ ហើយខ្ញុំក៏ទៅគាត់ថា ហេតុអីក៏ពូមិនទៅសម្រាកនៅផ្ទះទៅ ណាមួយមេឃកំពុងភ្លៀងផង គាត់ក៏និយាយមួយៗមកខ្ញុំថា ពូចេញមករកម៉ូតូតាំងពីព្រឹក មិនទាន់បានមួយម៉ូយទេក្មួយអើយ បាយក៏មិនបានហូប ហើយក៏គ្មានលុយទិញអង្ករអោយកូនដាំបាយហូបទៀត ចឹងពូមិនអាចទៅផ្ទះទេ លឺពូម៉ូតូឌុបនិយាយចឹង ខ្ញុំក៏ធ្លាប់អត់ ហើយក៏ធ្លាប់ដាច់បាយចឹងដែរ គឺវាពិបាកណាស់ ហើយខ្ញុំក៏ជូនគាត់១មុឺនរៀល ទោះបីមិនច្រើន តែវាជាទឹកចិត្តខ្ញុំ ហើយគាត់សប្បាយចិត្តណាស់ ឃើញគាត់សប្បាយចិត្ត ខ្ញុំក៏សប្បាយចិត្តដែរ🙏"

ខាងក្រោមនេះជាស្ថានភាពទូទៅរបស់បងៗរត់ម៉ូតូឌុប