នរណាគេចង់ទៅក្រុងព្រះសីហនុ រកផ្លូវវៀងឲ្យហើយទៅ ដោយសារតែពេលនេះនិយាយលេងចេញហើយ

បើតាមសេចក្តីរាយការណ៍កាលពីព្រឹកថ្ងៃទី៣១ ខែធ្នូ ឆ្នាំ២០១៧ នេះ បានឲ្យដឹងថា មានរថយន្ត​ដែល​សម្រុក​ចូល​ក្រុងព្រះ​សីហនុ បាននិងកំពុង​កកស្ទះជា​ច្រើន​រយ​ម៉ែត្រឯណោះ នៅតាមបណ្តោយ​ផ្លូវជាតិ​លេខ៤ ​មុខ​ទី​ប្រជុំជន​ផ្សារវាលរេញ ចាប់ពី​ជិតរង្វង់​មូល​សួនច្បារ​វាលរេញ ស្រុកព្រៃន់ ខេត្តព្រះសីហនុ។

ចំពោះការ​កកស្ទះមួយនេះ គឺមិនខុស​ពី​ឆ្នាំ​មុនៗ​នោះទេ ដោយសារ​ប្រជាពលរដ្ឋ​ខ្មែរ​ជាច្រើន​ បាន​នាំគ្នា​ទៅ​ដើរលេងកម្សាន្ត​នៅខេត្ត​ព្រះសីហនុ ដើម្បីអបអរ​ថ្ងៃ​ឆ្លង​ចូល​ឆ្នាំ​ថ្មី។ ក្នុងនោះផងដែរ ប្រសិនជាមានបងប្អូនណាមានយោបល់អ្វីបន្ថែមសូមជួយប្រាប់គ្នាទៅវិញទៅមកផង ដើម្បីកុំឲ្យមានការខកខានដោយសារតែការកកស្ទះមួយនេះ ដោយអាចរកផ្លូវវៀងណាមួយដែលអាចទៅរួច៕