សារ និងឈាមពាសពេញដៃ របស់អ្នកនាង ពេជ្រ សោភា បានធ្វើឲ្យមិត្តជាច្រើនតក់ស្លុតហួសពីការស្មាន នេះក៏ព្រោះតែ...

មានមនុស្សជាច្រើនប្រហែលជាបានស្គាល់រួចមកហើយតារាចម្រៀងកំពុងតែមានភាពល្បីល្បាញជាខ្លាំងក្នុងផលិតកម្មហង្សមាសនោះគឺ អ្នកនាង ពេជ្រ សោភា ដោយក្នុងនោះផងដែរអ្នកនាងមិនត្រឹមតែមានឈ្មោះក្នុងវិស័យចម្រៀងតែប៉ុណ្ណោះទេ គាត់ក៏ត្រូវបានគេទទួលស្គាល់ថាជាមនុស្សចេះជួយឈឺឆ្អាលគេឯងផងដែរ ជាក់ស្តែងដូចកាលដែលគាត់បានជួយរៀបចំពិធីបុណ្យសពរបស់អ្នកនាង សាន ស្រីឡៃ កន្លងទៅអញ្ចឹង។

ដោយសារទង្វើរដ៏ប្រពៃមួយនេះហើយទើបធ្វើឲ្យអ្នកនាង ពេជ្រ សោភា កាន់តែមានភាពល្បីល្បាញបន្ថែមទៀតក្រៅពីវិស័យចម្រៀងមួយនេះ ហើយមួយវិញទៀតបើតាមការអង្កេតពីមិត្តក្នុងហ្វេសប៊ុករបស់នាង ពួកគេយល់ឃើញថាអ្នកនាង ពេជ្រ សោភាជាមនុស្សចិត្តល្អខ្លាំងណាស់ ហើយគាត់ក៏ចូលចិត្តនិយាយអ្វីត្រង់ៗតែម្តង មិនចេះលាក់លៀម រឺមានល្បិចកលអ្វីឡើយ។

ដោយសារទង្វើរបែបនេះហើយទើបធ្វើឲ្យមិត្តទាំងអស់មានការព្រួយបារម្មណ៍ជាខ្លាំងចំពោះរូបនាង ដោយសារតែទើបឃើញសារ ជាមួយរូបថតកាលពីម្សិលមិញនេះ នាថ្ងៃទី៧ ខែធ្នូ ឆ្នាំ២០១៧ វេលាប្រហែលជាម៉ោង ៤ល្ងាច របស់អ្នកនាង ពេជ្រ សោភា ហើយអ្វីដែលធ្វើឲ្យមិត្តក្នុងហ្វេសប៊ុកតក់ស្លុតជាខ្លាំងនោះគឺមានឈាមពេញដៃ និងស្រក់ពាសពេញឥដ្ឋថែមទៀត ព្រមជាមួយសារប៉ុន្មានម៉ាត់ដែលសរសេរថា៖ 

"តាំងពីរស្គាលបងអូនធ្វើគ្រប់យ៉ាង
#ពលី នឹងហើយមនុស្សស្រលាញ់គេពេក"

មកទល់ពេលនេះទៅហើយក៏មិនទាន់ទទួលនូវចម្លើយណាមួយពីអ្នកនាង ពេជ្រ សោភាទេ បើទោះជាមានការចោទសួរ និងខ្វាយខ្វល់ពីមិត្តភ័ក្តិជាច្រើនក៏ដោយ ដូចនេះមានតែរង់ចាំមើលទាំងអស់គ្នាថាអ្នកនាង ពេជ្រ សោភាគាត់មានជំងឺអ្វីពិតប្រាកដនោះ ពិតជាគួរឲ្យអាណិតគាត់ខ្លាំងណាស់៕