សារពី អ្នកនាង សុគន្ធ នីសា កាលពីម្សិលមិញនេះពិតជាអាចធ្វើឲ្យប្អូនៗជំនាន់ក្រោយមានក្តីសង្ឃឹមកាន់តែខ្លាំង

គ្រាន់តែលឺពាក្យថាតារាចម្រៀងដែលសំលេងស្រទន់ ព្រមទាំងកាយវិការស្រគត់ស្រគមប្រចាំផលិតកម្មហង្សមាស ប្រាកដជាមានមនុស្សមួយចំនួនបានស្គាល់រូបគាត់ ក្នុងនោះផងដែរចាប់តាំងពីគាត់ចូលក្នុងវិស័យសិល្បះមក មិនដែលឃើញគាត់មានរឿងអាស្រូវអាក្រក់សូម្បីតែបន្តិច នេះសបញ្ជាក់ឲ្យឃើញថា តារារូបនេះពិតជាមនុស្សម្នាក់ដែលរក្សាបាននូវភាពថ្លៃថ្នូ និងជាប្រជាប្រិយរបស់ខ្លួនផងដែរ។

ក្នុងនោះផងដែរ អ្នកនាង សុគន្ធ នីសា ក៏ទើបតែលះបង់ភាពនូវលីវរបស់ខ្លួនកាលពីថ្ងៃទី១ ខែធ្នូ ឆ្នាំ២០១៧ កន្លងមកនេះ ដោយមានចាស់ទុំទាំងសងខាងបានដឹងលឺ និងមានការចូលរួមអបអរសាទរពីសំណាក់ភ្ញៀវកិត្តយសជាច្រើន។ 

ក្រៅពីនោះគេក៏បានឃើញ អ្នកនាង នីសា បានបង្ហាញខ្លួននៅក្នុងកម្មវិធីមួយឈ្មោះថា Sipar Gala Dinner ដោយកម្មវិធី នេះរៀបចំឡើងដើម្បីស្វែងរកថវិកាទ្រទ្រង់ចំណេះដឹងផ្នែកអំណាននៅកម្ពុជា។ 

ដោយមានរយៈពេលមិនយូរប៉ុន្មានផង អ្នកនាង បានបង្ហោះសារនៅក្នុងគណនី Instagram របស់ខ្លួន ក្នុងន័យលើកទឹកចិត្តដល់ប្អូនដើម្បីឲ្យខំរៀនសូត្រតទៅមុខទៀត។ ពាក្យសម្ដីទាំងមូលរបស់អ្នកនាង សុគន្ធ​ និសា​ មានខ្លឹមសារថា  “ពីមុនខ្ញុំគ្មានឱកាសរៀនឱ្យចប់ដូចគេ ពេលនេះសង្ឃឹមថាអាចលើកទឹកចិត្តប្អូនៗឲ្យកាន់តែខំរៀន ហើយតស៊ូរៀនសូត្រឲ្យបានខ្ពង់ខ្ពស់ ធ្វើជាធនធានមនុស្សដ៏រឹងមាំក្នុងសង្គម”៕