សារប្អូនស្រី Ronaldo ប៉ុន្មានឃ្លានេះ ពិតជាក្តុកក្តួលខ្លាំងណាស់ សម្រាប់ការលើកទឹកចិត្តបង ព្រោះមានអ្នកគាំទ្រកំពុងររិះគន់ខ្លាំងៗ (មានវីដេអូ)

កាលពីពេលថ្មីៗនេះ Cristiano Ronaldo បានទទួលការរិះគន់ជាខ្លាំងពីអ្នកគាំទ្រ ដោយសារតែមិនសូវជារកគ្រាប់បាល់បញ្ចូលទីបាន ដែលរឹតតែធ្វើឲ្យក្រុម Real Madrid កំពុងដុនដាបនៅ La Liga។ ដោយសារតែឃើញការរិះគន់ទើបប្អូនស្រីរបស់ Cristiano Ronaldo ដែលមានឈ្មោះថា Katia Aveiro បានបង្ហោះសារមួយចំនួនក្នុងបណ្តាញសង្គម Instagram ដែលបានស្តាប់ហើយពិតជារំភើប និងក្តុកក្តួលជាខ្លាំងចំពោះការលើកទឹកចិត្តមួយនេះ។

ក្នុងអត្ថន័យនោះ Katia Aveiro បានសរសេរថា៖ “ដោយសារតែមានការរិះគន់មួយនេះគឺខ្ញុំចង់ប្រាប់បងថានៅពេលបងអាយុ១២ឆ្នាំ បងបានមកដល់ទីក្រុង Lisbon ជាមួយដំណក់ទឹកភ្នែករំភើប ព្រមជាមួយក្តីជឿជាក់លើខ្លួនឯង ហើយបងក៏បានលេងឱ្យក្រុមធំ Sporting Lisbon មួយនេះមិនតិចជាង៥ឆ្នាំឡើយ នៅពេលនោះពួកគេនិយាយថានេះគ្រាន់តែជាជំនាញមួយដែលមិនសូវមានប្រយោជន៍ទេ។

ប្រហែលជារយៈពេលពីរ ទៅបីខែក្រោយមក បងក៏បានចុះកិច្ចសន្យាជាមួយ Manchester United ដែលជាក្រុមធំនៅអង់គ្លេស។ ពេលទៅដល់អង់គ្លេស ពួកគេក៏បាននិយាយថា បងគឺជាមនុស្សម្នាក់ប៉ុណ្ណោះ តែការពិត វាមិនដូចអ្វីដែលពួកគេនិយាយនោះទេ ដោយត្រឹមតែរយៈពេល៦រដូវកាលប៉ុណ្ណោះ បងអាចរកគ្រាប់បាល់បានរហូតដល់ទៅ១១៨។

ក្រោយមកទៀតនៅពេលដែល Real Madrid បានចុះកុងត្រាជាមួយបងមក ពួកគេទាំងនោះបាននិយាយថា គេយកបងមកគឺគ្រាន់តែយកឈ្មោះរបស់បង ដើម្បីបោះពុម្ភលើអាវលក់ប៉ុណ្ណោះ តែការពិតចាប់តាំងពីឆ្នាំ២០០៩មក បងអាចរកគ្រាប់បាល់រហូតដល់ទៅ ៤២២ ក្នុង៤១៨ប្រកួត ពេលនោះបងក៏ទទួលបានកំណត់ត្រាលើសគេក្នុងក្រុមមួយនេះ។

នៅក្នុងឆ្នាំ២០០៨ បងបានឈ្នះពានរង្វាន់ Ballon d’Or ជាលើកដំបូង ហើយពួកគេបាននិយាយថា បងនឹងឈ្នះតែម្ដងនេះប៉ុណ្ណោះ ក៏ប៉ុន្តែបងអាចឈ្នះពានរង្វាន់មួយនេះ រហូតដល់ទៅ៤ដងឯណោះ។

ក្នុងនាមជាប្រធានក្រុមជម្រើសជាតិព័រទុយហ្គាល់ម្នាក់ ពួកគេនិយាយថាបងគ្រាន់តែជាប្រធានក្រុមដែលគ្មានអំណាចអ្វីពិសេស គ្មានស្មារតីជាអ្នកដឹកនាំក្រុមទេ តែទីបំផុងក្នុងឆ្នាំ២០១៦ បងជាជនជាតិព័រទុយហ្គាល់ដំបូងគេ ដែលបានលើកពាន Euro។

ពេលនេះ ដោយសារតែបងមិនអាចរកគ្រាប់បាល់ត្រឹមតែពីរ ទៅ បីប្រកួតប៉ុណ្ណោះ បែរជាពួកគេនិយាយថា បងគ្រាន់តែជាកីឡាករដែលជិតបញ្ចប់អាជីពម្នាក់ទៀតប៉ុណ្ណោះ។ តែកុំបារម្ភអីបង នៅពេលបងញញឹមជាមួយក្តីរំពឹងថា បងនឹងអាចទទួលពានរង្វាន់ក្នុងដៃ រឺក៏បងអាចទទួលបានគ្រាប់បាល់ណាមួយ ពេលនោះកែវភ្នែកល្អទាំងនោះនឹងវិលត្រឡប់មកមើលបងវិញជាក់ជាមិនខាន ហើយចង់និយាយថាឲ្យតែមានការចាកចេញណាមួយ គេតែងតែនិយាយបែបនេះ៕

ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។

រក្សាសិទ្ធិដោយ kampuchea1979.blogspot.com