ល្បីបាត់អញ្ចឹង!!! ទើបតែរៀបការហើយភ្លាម នាយ ចយ មានហាងឆេង ភ្លែត

ពិធីមង្គលជប់លៀង នាយ ចយ និងភរិយា បានប្រារពធ្វើឡើងកាលពីល្ងាចថ្ងៃទី២៧ ខែកុម្ភៈ ឆ្នាំ២០១៨ នៅក្នុងវិមានពិភពថ្មីសែនសុខ អគាD។ ក្រៅពីថ្លែងរៀបរាប់ប្រវត្តិស្នេហាខ្លះ នាយចយ ក៏បានថ្លែងពីក្តីរំភើបរហូតស្រក់ទឹកភ្នែក ព្រោះតែវត្តមាន លោក​ឧត្ដមសេនីយ៍​ឯក ហ៊ុន ម៉ាណែត និង ឯកឧត្តម ហ៊ុន ម៉ានី និងផ្តល់កិត្តិយសដោយមិននឹកស្មានដល់ផងដែរ។ ក្នុងនោះផងដែរមានចំណងដៃយ៉ាងច្រើនពីសម្តេចតេជោ ហ៊ុន សែន ផងដែរ មានចំនួនដល់ទៅ១មុឺនដុល្លារឯណោះ។

ក្នុងនោះផងដែរកាលពីថ្ងៃទី៣ ខែកុម្ភៈ ឆ្នាំ២០១៨ គេឃើញគេហទំព័រព័ត៌មានដ៏ល្បីឈ្មោះមួយ khaosod.co.th ប្រចាំប្រទេសថៃ បានចុះនូវព័ត៌មានមួយដែលកំពុងតែកក្រើកក្នុងប្រទេសកម្ពុជាកាលពីពេលថ្មីៗនេះ គឺរឿងដែលទាក់ទងមង្គលការរបស់នាយ ចយ តែម្តង។ ក្នុងនោះផងដែរគេហទំព័រដ៏ល្បីមួយនេះបានបញ្ជាក់ថា មង្គលការមួយនេះមិនត្រឹមតែធ្វើឲ្យល្បីក្នុងប្រទេសកម្ពុជាទេ គឺបានហៀរដល់ប្រទេសថៃថែមទៀតផង។

រាសី នាយ ចយ កាន់តែឡើងខ្ពស់ជាបន្តបន្ទាប់ ជាក់ស្តែងក្នុងថ្ងៃនេះផងដែរ បានធ្វើឲ្យទស្សនិកជនមានការភ្ញាក់ផ្អើលជាខ្លាំងបន្ទាប់ពីតារាចម្រៀងវ័យក្មេង វីរៈ និច បានបង្ហោះរូបមួយសន្លឹក ជាមួយសារសរសេរថា ៖ "សង្សារថ្មីរបស់នាងខ្ញុំនៅក្នុង MV ចេញលក់ឆាប់ៗនេះ 😆"។ ដូចនេះអាចបញ្ជាក់បានថា នាយ ចយ ពិតជាមានហាងឆេងហើយ បន្ទាប់ពីផលិតកម្មដ៏ធំមួយនេះហៅនាយមកសម្តែងផងដែរនោះ។

តារាចម្រៀងវ័យក្មេង មានទឹកដមសម្លេងពិរោះកញ្ញា វីរៈ និច ដែលត្រូវជាក្មួយស្រីរបស់ តារាចម្រៀងល្បីលោកខាន់ ជេម គឺកំពុងបានទទួលការ ចាប់អារម្មណ៍ពីសំណាក់យុវវ័យ ក្នុងវិស័យសិល្បៈ ខណៈដែលកំពុងតែមានបទចម្រៀង នៅលើទីផ្សារច្រើនបទ។ បច្ចុប្បន្ន តារាចម្រៀងមានរូបសម្រស់ស្អាតរូបនេះ ឃើញថាមានការមមាញឹកខ្លាំង ចំពោះការងារ៕