ប្រហែលជាប៉ុន្មានម៉ោងមុននេះ ដោយក្តីអាណិតលោក យូឌីស្កូ ខ្លោចចិត្តពេក ទើបអ្នកនាង ទូច ស្រីលក្ខណ៍ ធ្វើការ Live វីដេអូមួយជាផ្លូវការ ដើម្បីធ្វើការស្នើសុំជំនួយដើម្បីឧបត្ថម្ភដល់លោក យូឌីស្កូ ដែលកំពុងធ្លាក់ខ្លួនឈឺ។ ក្នុងនោះផងដែរ អ្នកនាង ទូច ស្រីល័ក្ខ បានរៀបរាប់ទាំងអួលដើមកថា យូ ឌីស្កូ មិនអាចប្តូរឈាមជារៀងរហូតអស់មួយជីវិតបាននោះទេ។ ដូចនេះអ្នកនាង និង លោក ប៉ែន ចំរ៉ុង ក៏បានអំពាវនាវដល់ឧកញ៉ាចិត្តធម៌ទាំងពីរគឺឧកញ៉ា ហុង ពីវ និងឧកញ៉ា ដួង ឆាយ ដែលតែងតែធ្វើអំពើសប្បុរសធម៌ ឲ្យជួយសង្គ្រោះដល់ យូ ឌីស្កូ ឲ្យមានថវិកាគ្រប់គ្រាន់ដើម្បីធ្វើការវះកាត់ប្តូរក្រលៀនផង។
គួររំលឹកឡើងវិញផងដែរថា ជំងឺរបស់លោក យូឌីស្កូ បានកើតឡើង កាលពីចុងខែកញ្ញា ឆ្នាំ ២០១៧ ដោយសារលោកកើតមានជំងឺជាច្រើនស្ថិតក្នុងកម្រិតធ្ងន់ធ្ងរ រួមមានក្រលៀន ទឹកនោមប្រៃ និងឈាមសឡើងខ្ពស់។ ស្ថានភាពពេលនេះ លោកត្រូវការឈាមប្រភេទ AB + ដែលជាប្រភេទឈាមដ៏ពិបាករក៕
No comments:
Post a Comment