សាររបស់ភរិយា នាយ ចយ តែប៉ុន្មានម៉ាត់សោះ បន្ទាប់ពីរៀបការរួច ធ្វើឲ្យគេឆ្ងល់គ្រប់គ្នា

ពិធីមង្គលជប់លៀងរបស់នាយ ចយ និងភរិយា បានបញ្ចប់ទៅដោយក្តីសប្បាយរីករាយខ្លាំងបំផុត កាលពីល្ងាចថ្ងៃទី២៧ ខែកុម្ភៈ ឆ្នាំ២០១៨ នៅក្នុងវិមានពិភពថ្មីសែនសុខ អគាD ដែលបានធ្វើឲ្យ នាយ ចយថ្លែងពីក្តីរំភើបរហូតស្រក់ទឹកភ្នែក ព្រោះតែវត្តមាន លោក​ឧត្ដមសេនីយ៍​ឯក ហ៊ុន ម៉ាណែត និង ឯកឧត្តម ហ៊ុន ម៉ានី ព្រមទាំងភ្ញៀវកិត្តិយសជាច្រើននាក់ផ្សេងទៀតផងដែរ។

ក្នុងនោះផងដែរអ្វីដែលរឹតតែធ្វើឲ្យនាយ ចយ កាន់តែរំភើបបន្ថែមទៀតនោះគឺ សម្តេចតេជោ ហ៊ុន សែនក៏បានចងដៃនាយ ចយ ១មុឺនដុល្លារផងដែរ។ នេះបើតាមការដកស្រង់សំដីរបស់សម្តេចនៅក្នុងពិធីសំណេះសំណាលជាមួយសមាជិក សមាគមគ្រូពេទ្រស្ម័គ្រចិត្តយុវជន សម្ដេចតេជោ នៅសាលមហោស្រពកោះពេជ្រ កាលពីព្រឹកថ្ងៃសុក្រ ១រោច ខែផល្គុន នព្វស័ក ព.ស ២៥៦១ ត្រូវនឹងថ្ងៃទី០២ ខែមិនា ឆ្នាំ២០១៨ ។

ហើយអ្វីដែលកាន់តែធ្វើឲ្យទស្សនិកមានការភ្ញាក់ផ្អើល ព្រមទាំងងុើងឆ្ងល់នោះគឺ ភរិយារបស់នាយ ចយតែម្តង បន្ទាប់ពីរៀបការមក នាងបានសរសេរសារមួយដ៏ខ្លី នៅក្នុងហ្វេសប៊ុករបស់ខ្លួនថា៖ "ប្តីធ្វេីបានហេីយ អូនអរគុណបងណាស់ 🙏🙏😊ប្តីល្អ❤️😘💕"។ ដោយសារតែឃើញសារនេះហើយ បានជាធ្វើឲ្យអ្នកប្រើប្រាស់ក្នុងហ្វេសប៊ុកជាច្រើនមានការយល់ឃើញខុសៗគ្នា តែសុទ្ធតែក្នុងន័យលេងសើចតែប៉ុណ្ណោះ ចំពោះនាយ ចយ៕