ពិតជាច្រើនមែន ចាប់អត់ទាន់អស់ទៀត!!! ជនជាតិវៀតណាមទៀតហើយដែលកំពុងតែរស់នៅដោយ.....

ភ្នំពេញ ៖ កម្លាំងការិយាល័យគ្រប់គ្រងជនបរទេស នៃស្នងការដ្ឋាននគរបាលរាជធានីភ្នំពេញ សហការជាមួយនាយកដ្ឋានស៊ើបអង្កេតនិងអនុវត្តនីតិវិធី នៃអគ្គនាយកដ្ឋាអន្តោប្រវេសន៍ អាជ្ញាធរមូលដ្ឋានខណ្ឌចំការមន ដែលដឹកនាំដោយលោក សៀង សុខ ព្រះរាជអាជ្ញារងនៃអយ្យការរងអមសាលាដំបូងរាជធានីភ្នំពេញ កម្លាំងបានចុះត្រួតពិនិត្យជនបរទេស ដែលលួចឆ្លងដែន និងកំពុងលួចស្នាក់នៅគ្មានលិខិតឆ្លងដែន និងធ្វើការងារគ្មានឯកសារត្រឹមត្រូវនៅតាមសិប្បកម្មឈើជាច្រើនខ្នងផ្ទះ និងហាងលក់កាហ្វេ ស្ថិតនៅផ្លូវលេខ៩៩-១០១-១០៣-៤៧៤-១០៥ និងផ្លូវបេតុងជាបលូទឹកស្អុយ ស្ថិតនៅក្នុងសង្កាត់បឹងត្របែក និងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញនៅថ្ងៃទី១១ ខែវិច្ឆិកា ឆ្នាំ២០១៧ វេលាម៉ោង០៨និង៣០នាទី។

លោកវរសេនីយ៍ត្រី អ៊ា ភក្តី នាយរងការិយាល័យគ្រប់គ្រង់ជនបរទេសនៃស្នងការដ្ឋាននគរបាលរាជធានីភ្នំពេញ បានឲ្យដឹងថាក្នុងប្រតិបត្តិខាងលើបានពិនិត្យឃើញជនបរទេស ជនជាតិវៀតណាមចំនួន២៨នាក់ ស្រី០៣នាក់ បានលួចស្នាក់នៅ និងរកស៊ីដោយខុសច្បាប់ គ្មានលិខិតឆ្លងដែន និងឯកសារត្រឹមត្រូវ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ដើម្បីបន្តនីតិវិធី ៕