បាញ់គ្នាទាំងព្រឹកតែម្តង!!! មានករណីបាញ់បោះសេរី​ ជាច្រើនគ្រាប់ នៅមជ្ឈមណ្ឌល​កម្សាន្ត​រ៉ុក Rock​

កាលពីវេលាព្រឹកនេះ នាថ្ងៃទី២៩ ខែវិច្ឆិកា ឆ្នាំ២០១៧ មានករណីបាញ់បោះសេរី​ ជាច្រើនគ្រាប់ នៅមជ្ឈមណ្ឌល​កម្សាន្ត​រ៉ុក Rock​ ក្នុង​ខណ្ឌ​ចំការមន​។ ក្នុងករណីបាញ់នៅមជ្ឈមណ្ឌលរ៉ុក ជនបង្កបានប្រើកាំភ្លើងខ្លី និងបាញ់ចំនួន៥គ្រាប់ ខណៈនេះជនបង្កត្រូវបានបញ្ចូនខ្លួនទៅកាន់មូលដ្ឋានអាវុធហត្ថខណ្ឌចំការមន ដើម្បីសាកសួរ។ តាមសេចក្តីរាយការណ៍បឋមបញ្ជាក់ថា ករណីបាញ់បោះសេរីនៅទីតាំងខាងលើមួយនេះ​បណ្តាលឲ្យមានអ្នករងរបួសម្នាក់។ 

ហើយនៅក្នុងនោះផងដែរបើតាមសេចក្តីរាយការណ៍បានឲ្យដឹងទៀតថាមាន​ប៉េអឹមម្នាក់ នៅទីនោះចាប់ បោកទូរស័ព្ទអ្នកសារព័ត៍មានចោលខ្ទេច និងគំរាម សម្លុតអ្នកសារព័ត៌មាន ខណៈគាត់កំពុងប្រតិបត្តិការ នៃ​ការ​ប្រមូល​ព័ត៌មាន​។

ប្រជាពលរដ្ឋនៅក្បែរខាងមានការព្រឺសម្បុររាល់យប់រាល់ថ្ងៃ​ មិនដឹងថា ថ្ងៃណាទើបស្ងប់ស្ងាត់ស្នូរកាំភ្លើងនៅមជ្ឈមណ្ឌលកម្សាន្តដែលស្ថិតនៅសង្កាត់ទន្លេបាសាក់​ ខណ្ឌចំការមន នេះឡើយ។ ថ្នាក់លើគួរតែមានវិធានការខ្លះហើយ កុំបណ្តោយក្រុមទំនើងចេះតែផ្ទុះអាវុធដោយសេរីខ្លាំងពេក ខណៈដែលប្រទេសកំពុងមានសន្តិភាព និងច្បាប់ទម្លាប់ត្រឹមត្រូវនោះ៕