ទីបំផុត ព្រះសង្ឃដែលបានបង្ហោះមនុស្សស្រីចាក់សាក់ ត្រូវបានមន្ត្រីសង្ឃបណ្តេញចេញពីវត្តហើយ (មានវីដេអូ)

បន្ទាប់ពីឃើញរូបភាព មនុស្សស្រីដោះអាវចំហផ្នែកខាងខ្នង អង្គុយចាក់សាក់ ដែលបង្ហោះក្នុងទំព័រហ្វេសប៊ុកឈ្មោះ “អង្គគ្រូខ្មែរ សាក់រូប” របស់ព្រះសង្ឃព្រះនាម ហ៊ុន សារ៉ាត់ គង់នៅវត្តពោធិញ្ញាណអារញ្ញ សោមនស្ស ហៅវត្តចក ស្ថិតក្នុងភូមិវត្តចក សង្កាត់ស្វាយដង្គុំ ក្រុងសៀមរាប បានធ្វើឱ្យផ្ទុះប្រតិកម្មពីពុទ្ធសាសនិកជន រហូតមេគណក្រុងសៀមរាប សម្រេចបណ្តេញព្រះសង្ឃអង្គនោះចេញពីវត្តហើយពេលនេះ។

ទោះបីយ៉ាងណា ព្រះតេជគុណ ហ៊ុន សារ៉ាត់ បានមានថេរដីកាថា ថ្វីត្បិតរូបនោះបានបង្ហោះនៅក្នុងទំព័រហ្វេសប៊ុករបស់ព្រះអង្គមែន តែព្រះអង្គមិនបានចាក់រូបនោះដោយផ្ទាល់ដៃទេ គឺកូនសិស្សរបស់ព្រះអង្គជាអ្នកចាក់ ហើយព្រះអង្គក៏មិនបានប្រព្រឹត្តខុសវិន័យដែរ តែព្រះសង្ឃនៅក្នុងវត្តច្រណែននឹងព្រះអង្គ ធ្វើឱ្យព្រះអង្គមិនអាចគង់នៅវត្តបាន ត្រូវសម្រេចលាចាកសិក្ខាបទនៅក្នុងខែធ្នូ នេះ ទាំងនៅនឹកស្តាយភេទជាបព្វជិត តែព្រះអង្គគិតថា ថ្ងៃណាមួយនឹងបួសឡើងវិញ។

ព្រះអង្គហ៊ុនសារ៉ាត់ក្នុងនាមជាសង្ឃបានប្រកបមុខរបរ ចាក់ទឹក កាត់គ្រោះ ទោះទាយ ក្សែ កថា ចាក់សក្ក័ ដែលព្រះពុទ្ធសម្ដែងទុកហើយមិនអនុញាតឲ្យប្រព្រឹត្តជាដាច់ខាត។ ព្រះសម្មាសម្ពុទ្ធ ព្រះអង្គឲ្យឈ្មោះថា មិច្ចាទិដ្ឋិ តិរច្ឆានវិជ្ជា ការចិញ្ចឹមជិវិតខុស សាវកព្រះជិនស្រី ត្រូវខំរៀនសូត្រសិក្ខាបទវិន័យ ៨ម៉ឺន ៤ ពាន់ព្រះធម្មខាន់ ចេះចាំហើយយកព្រះធម៏នោះៗ ទៅផ្សពផ្សាយដល់ឧបាសកឧបាសិការ ដើម្បីឲ្យប្រជាពលរដ្ឋ ចំចាត់ចោលកីលេសអំពើបាបផ្សេងៗ ចាប់យក មេត្តាករុណា រស់នូវជាសុខ ព្រះសម្ដែងថាឲ្យជឿកម្មនិងផល ។

តែព្រះអង្គសារ៉ាត់តាំងខ្លួនជាសាវក័ព្រះសម្មាសម្ពុទ្ធបែជា ខំអនុវត្ត សីលកថា ឲ្យមនុស្សជឿលើមន្ដអាគមន៏ទៅវិញ។ ព្រះអង្គសារ៉ាត់ ចាក់ទឹក កាត់គ្រោះ ចាក់យន្ដ័ ឲ្យអ្នកដ៏ទៃ ព្រះអង្គភ្លេចមើលអង្គឯង បណ្ដាលឲ្យពុទ្ធបរិសទ័ និងមន្ត្រីសង្ឃនាំគ្នាបណ្ដេញចេញពីវត្តយ៉ាងតក់ក្រហល ។ ព្រះអង្គ ឡាចលាង ព្រះអនុគុណក្រុងសៀមរាប មានសង្ឃដិការ ឲ្យដឹងថា៖ ព្រះអង្គហ៊ុនសារ៉ាត់ប្រព្រឹតខុសធំណាស់ តែមិនដល់ផ្សឹកទេ គ្រាន់និមន្ដឲ្យចេញពីវត្ត ហើយបើលោកមន្តទៅសុំវត្តណាគង់នៅក៏ស្រេចតែលោក៕