ក្តៅៗ!!! សម្តេចតេជោ ហ៊ុន សែន បានផ្ញើរសារព្រួយបារម្មណ៍មួយ ដោយសារតែការ...

នាព្រឹកថ្ងៃទី២៦ ខែធ្នូ ឆ្នាំ២០១៧ នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវឱ្យប្រជាពលរដ្ឋទាំងអស់ដែលរស់នៅ និងប្រកបរបរនៅតំបន់មាត់សមុទ្រប្រទេសកម្ពុជា មានការប្រុងប្រយ័ត្នឱ្យបានខ្ពស់ ចំពោះការប្រែប្រួលអាកាសធាតុ និងកម្លាំងសម្ពាធខ្យល់។

ការអំពាវនាវនេះ ធ្វើឡើងស្របពេលដែលកម្ពុជា កំពុងរងនូវ​ឥទ្ធិពលនៃព្យុះតឹមប៊ិន(TEMBIN) ដែលបង្កឱ្យមានខ្យល់បក់បោកខ្លាំង លាយឡំជាមួយនឹងភ្លៀងខ្លាំងនៅលើផ្ទៃសមុទ្រ និងតំបន់ឆ្នេរ ព្រមទាំងធ្វើឱ្យមានភ្លៀងធ្លាក់ពីមធ្យមទៅច្រើន ក្នុងក្របខណ្ឌស្ទើរទូទាំងប្រទេសផងដែរ។

សម្តេចតេជោ ហ៊ុន សែន បានបញ្ជាក់នៅលើទំព័រ ​Facebook យ៉ាងដូច្នេះថា៖ "នៅទីក្រុងភ្នំពេញព្រឹកនេះធាតុអាកាសត្រជាក់បន្តិច ដោយមានភ្លៀងរលឹមបង្អុរចុះមកផង គឺធ្វើអោយបងប្អូនងើបហាត់កីឡាពីព្រឹកនៅតាមទីធ្លារសួនសាធារណៈ និងស្តាតអូឡាំពិកមានការលំបាកខ្លះៗ។ ចំពោះបងប្អូនដែលរស់នៅ និងប្រកបរបរផ្សេងៗនៅតាមតំបន់សមុទ្រ សូមមានការប្រុងប្រយ័ត្នផងដែរចំពោះការប្រែប្រួលធាតុអាកាស និងកម្លាំងសម្ពាធខ្យល់។ សូមបើកបរឆ្ងាយជិតមានការប្រុងប្រយ័ត្នខ្ពស់"៕