ដល់កហើយ!!! សុបិន្តឃើញអាបចាក់អូសពីលេខ១ ដល់លេខ៩ ពេលចាក់ត្រូវមេអត់សងហើយ ឲ្យកណ្តាប់ដៃទៀត

កាលពីម្សិលមិញនេះមានរឿងរ៉ាវពិសេសមួយដែលគួរឲ្យភ្ញាក់ផ្អើលជាខ្លាំង ដោយមានស្ត្រីមានផ្ទៃពោះជិតគ្រប់ខែម្នាក់ ដែលត្រូវបានគេពន្យល់សប្តិឃើញអាបហោះ។ ស្ត្រីម្នាក់នោះនឹកក្នុងចិត្តថាបើសិនជាចាក់ឆ្នោតត្រូវអាចនឹងរួចថ្លៃឆ្លងទន្លេ។ ដោយក្តីសង្ឃឹមដូចនេះទើបស្ត្រីខាងលើនេះក៏បានសម្រេចចិត្តទៅចាក់ឆ្នោតវៀតណាមអូសពី០១ដល់០៩ ចំនួនបួនប៉ុស្តិ៍។

លុះដល់ពេលល្ងាចចេញឆ្នោត គឺចំលេខដែលស្ត្រីម្នាក់នេះចាក់មែន ខណ:ពេលដែលទៅបើកលុយមេឆ្នោតបែរជាប្រាប់ថាមិនទទួលដោយហួសម៉ោងចាក់ហើយ។ ដោយទ្រាំមិនបាន ស្ត្រីម្នាក់នេះក៏បានជេរមេឆ្នោត តែដោយសារមេឆ្នោតខឹងនឹងការជេរនេះពេក ក៏មេឆ្នោតបានវាយស្ត្រីមានផ្ទៃពោះម្នាក់នេះវិញដល់ទៅបី បួនដៃ។

ដោយស្ត្រីម្នាក់នេះមិនអាចធ្វើអ្វីមេឆ្នោតបានក៏សម្រេចចិត្តមកប្តឹងសមត្ថកិច្ចប៉ុស្តិ៍ស្ទឹងមានជយ័១ ឲ្យជួយអន្តរាគមន៏កាលពីវរលាម៉ោង១១និង៣០នាទីថ្ងៃត្រង់ ថ្ងៃទី២៩ ខែធ្នូ ឆ្នាំ២០១៧។

ក្នុងនោះផងដែរបើតាមសម្តីអ្នកចាក់កន្ទុយលេខខាងលើបានប្រាប់ឲ្យដឹងថា នៅល្ងាចថ្ងៃទី២៧ ខែធ្នូ ឆ្នាំ២០១៧ រូបគាត់បានទៅចាក់ឆ្នោតនៅក្នុងផ្សារស្ទឹងមានជ័យ ដោយមានមេឆ្នោតឈ្មោះ យាយ មុំ អូសពី០១ដល់០៩បួនប៉ុស្តិ៍ក្នុងមួយលេខ៥ម៉ឺនរៀល លុះចេញមកត្រូវលេខ០៨ សរុបប្រាក់ជាង៣លានរៀល ទីបំផុតលុយក៏មិនបានថែមទាំងត្រូវកណ្តាប់ដៃមេឆ្នោតទៀត៕