បាបធ្ងន់ណាស់លោកអើយ!!! ព្រះសង្ឃ២អង្គ បានធ្វើរឿងដ៏ហួសហេតុបំផុតនៅក្នុងបន្ទប់ជួល ដែលសឹងតែគ្មាននរណាស្មានដល់

កាលពីថ្ងៃទី១១ ខែធ្នូ ឆ្នាំ២០១៧ អតីតសង្ឃ២អង្គ ស្នាក់នៅបន្ទប់ជួលបានប្រព្រឹត្តខុសព្រះវិន័យព្រះពុទ្ធសាសនា ដោយលួចជក់ថ្នាំ ត្រូវបានព្រះអនុគណ ក្រុងសៀមរាប និងមន្រ្តីពាក់ព័ន្ធ ចាប់ផ្សឹកហើយសមត្ថកិច្ចបានឃាត់ខ្លួន រួចកសាងសំណុំរឿង ដើម្បីចាត់ការតាមនីតិវិធីតាមផ្លូវច្បាប់។

ក្រោយពីទទួលបាននូវសេចក្ដីរាយការណ៍មួយពីប្រជាពលរដ្ឋ និងដោយមានការអនុញ្ញាតពីលោកស្នងការនគរបាលខេត្តសៀមរាប លោកឧត្តមសេនីយ៍ត្រី ហួត សុធី ស្នងការរងទទួលផែនសន្តិសុខ បានដឹកនាំកម្លាំងនគរបាលផែនសន្តិសុខ និងដោយមានការចូលរួមពីកម្លាំងនគរបាលប៉ុស្តិ៍ ព្រះអនុគណក្រុងសៀមរាប ព្រះវិន័យសង្ឃក្រុង ខាងមន្ត្រីការិយាល័យធម្មការការក្រុង បានចុះទៅពិនិត្យ សួរនាំ និងឈានទៅដល់ការឃាត់ខ្លួនសង្ឃ២អង្គ ដែលបាន និងកំពុងស្នាក់នៅបន្ទប់ជួលនាភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។

ក្នុងនោះផងដែរ លោកឧត្តមសេនីយ៍ត្រី ហួត សុធី ដែលប្រចាំការនៅខេត្តសៀមរាបបានប្រាប់ឲ្យដឹងផងដែរថា បន្ទាប់ពីការសួនាំ និងពិនិត្យជាក់ស្ដែង គឺសង្ឃទាំងពីរបានប្រព្រឹត្តខុសនឹងព្រះវិន័យសង្ឃ ដោយស្នាក់នៅក្នុងបន្ទប់ជួលតែមួយ ជាមួយស្រីញី ហើយបាននិមន្តដើរបិណ្ឌបាតខុសច្បាប់ និងជាពិសេសទៀតនោះ គឺពិនិត្យឃើញមានសារធាតុញៀនក្នុងខ្លួនផងដែរ។

ដោយយោងទៅតាមការពិនិត្យជាក់ស្ដែង នៃការប្រព្រឹត្តខុសព្រះវិន័យសង្ឃ និងលទ្ធផល នៃការពិនិត្យសួរនាំរបស់សមត្ថកិច្ច ព្រះអនុគុណក្រុងសៀមរាប បានចាប់ផ្សឹក រួចបានប្រគល់ឲ្យសមត្ថកិច្ចចាត់ការតាមផ្លូវច្បាប់។

លោកស្នងការរងបានបញ្ជាក់បន្ថែមទៀតថា សង្ឃទាំងពីរអង្គនេះ គឺមានឈ្មោះ វិន សំណាង អាយុ២៧ឆ្នាំ មានទីលំនៅបច្ចុប្បន្ន ភូមិអញ្ចាញ សង្កាត់នគរធំ ក្រុង-ខេត្តសៀមរាប មានស្រុកកំណើតនៅភូមិ-សង្កាត់ អូរអំបិល ក្រុងសិរីសោភ័ណ ខេត្តបន្ទាយមានជ័យ, និងម្នាក់ទៀត ឈ្មោះ អឿន អ៊ត់ អាយុ១៨ឆ្នាំ មានទីលំនៅបច្ចុប្បន្ន ភូមិសឿ ឃុំល្វា ស្រុកមង្គលបូរី ខេត្តបន្ទាយមានជ័យ៕