ព្រោះតែរូបអាក្រក់ ទោះបីមានកម្មវិធីអ្វីក៏គេមិនបបួល តែនៅទីបំផុតអ្វីៗក៏បាន....

មានមនុស្សមួយចំនួនតែងតែសម្លឹងមើលគ្នាទៅវិញទៅមកដោយរូបរាងខាងក្រៅ ក្នុងនោះផងដែរប្រសិនបើនរណាម្នាក់មានរូបរាងអាក្រក់ពេកហើយ ម្នាក់នោះប្រាកដជាមិនសូវជាមានគេចូលចិត្តប៉ុន្មានទេ ដោយក្នុងចិត្តពួកគេទាំងនោះតែងតែគិតថាម្នាក់នេះហេតុអ្វីក៏មានរូបរាងអាក្រក់ម្លេស គួរឲ្យខ្ពើម រអើម ដោយអ្នកខ្លះមិនបានគិតថាមនុស្សមានរូបរាងអាក្រក់នេះក្នុងចិត្តរបស់គេល្អយ៉ាងណាឡើយ។

ជាក់ស្តែងមានក្មេងស្រីជនជាតិវៀតណាមម្នាក់ឈ្មោះ Kuok អាយុ២២ឆ្នាំ ត្រូវបានមិត្តភក្តិរួមថ្នាក់មានការចំអន់ មើលងាយស្ទើរតែរៀងរាល់ថ្ងៃ។ ក្នុងនោះផងដែរក៏មានបុរសម្នាក់ដល់ថ្នាក់ហ៊ាននិយាយដោយប្រើប្រាស់ពាក្យមើលងាយថា "ប្រសិនបើខ្ញុំបានរៀបការជាមួយនាង ខ្ញុំប្រាកដជាលែងឃ្លានបាយហើយមើលទៅ"

ដោយសារតែការមើលងាយអស់រយៈពេលជាច្រើនឆ្នាំ នាង Kuok ក៏បានសម្រេចចិត្តទៅធ្វើការកែសម្ផស្សជាមួយការចំណាយទឹកប្រាក់រហូតដល់ទៅ $ 20,000។ ហើយអ្វីៗក៏បានប្រែប្រួលបន្ទាប់ពីការវះកាត់អស់រយៈពេលមិនដល់៦ខែផង ដែលបានធ្វើឲ្យមនុស្សដែលធ្លាប់មើលងាយនាង សឹងតែមើលនាងមិនស្គាល់ ព្រោះស្អាតខ្លាំងណាស់។

ព្រោះតែការធ្លាស់ប្តូរមុខមាត់ថ្មីបានធ្វើឲ្យនាងបានជួបបុរសម្នាក់ដែលទើបទទួលបានទ្រព្យសម្បត្តិជាច្រើនពីគ្រួសាររបស់គាត់បានចែកជូន ហើយពួកគេទាំងពីរនាក់ក៏បានសម្រេចចិត្តរៀបការជាមួយគ្នាផងដែរ៕