កំណាព្យប៉ុន្មានឃ្លារបស់ ព្រះតេជគុណ សាន សុជា ទាក់ទងការប្រហារជីវិតមាន់ ពេលអានចប់ ពិតជាក្តុកក្តួលកាន់តែខ្លាំង (មានវីដេអូ)

កាលពីម្សិលមិញនេះគេឃើញមានព្រះតេជគុណមួយអង្គព្រះនាម សាន សុជា បានបង្ហោះកំណាព្យប៉ុន្មានឃ្លាក្នុងហ្វេសប៊ុករបស់ព្រះអង្គដែលមានព្រះនាមថា San Sochea VJ ទាក់ទងការប្រហារជីវិតមាន់ ពេលបានអានចប់ពិតជាមានអារម្មណ៍ក្តុកក្តួល ហើយរឹតតែអាណិតសត្វមាន់ទាំងនេះថែមទៀតផង ដោយក្នុងនោះព្រះអង្គបានសរសេរថា៖

"តើកម្មអ្វីខ្ញុំ មិនអាចជួបជុំ ក្រុមញាតិវង្សា
គេយកជាល្បែង ជល់ដាក់ដុល្លារ របួសកាយា ស្ទើរសង្ខារបង់។
ឃើញប៉ូលិសមក ក្នុងចិត្តនឹកភ្នក ថាគេស្រោចស្រង់
ឲ្យបានរស់រាន ជួបជុំពូជពង្ស បែរជាត្រូវបង់ ជីវិតទៅវិញ។"

គួរបញ្ជាក់ឡើងវិញផងដែរថា នគរបាលខេត្តកណ្តាល នៅព្រឹកថ្ងៃទី២៧ ខែធ្នូ ឆ្នាំ២០១៧កាលពីពេលថ្មីៗនេះបាន កម្ទេចមាន់ជល់ចំនួន៩២ក្បាល ដែល&បង្ក្រាបបាននៅឃុំអរិយក្សត្រ ស្រុកល្វាឯម ដែលមានម្ចាស់ទីតាំងឈ្មោះ ថៃ ផានី ហៅម៉ាប់ កូនប្រសារលោក ហ៊ុន សាន ។

ដីកាសម្រេចរបស់លោកហុក វ៉ាន់ធីណា ប្រធានសាលាដំបូងខេត្តកណ្តាល និង ជាចៅក្រមស៊ើបសួរ ព្រមទាំងលោកឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្តាល យល់ឃើញថា «ការថែរក្សានូវ&មាន់ជល់ចំនួន៩២ក្បាល មានការលំបាក និងចំណាយសោហ៊ុយផ្សេងៗ និងដើម្បីបង្ការកុំឱ្យមានបទល្មើសកើតឡើងជាថ្មី និង ដើម្បីពន្លឿននីតិវិធីនៃការស៊ើបសួរឱ្យបានឆាប់រហ័ស គប្បីចៅក្រមស៊ើបសួរកម្ទេចចោលនូវមាន់ជល់ចំនួន៩២ក្បាលនេះ»។

គួររំលឹកថា ម្ចាស់សង្វៀនជល់មាន់ដ៏ធំ នៅឃុំអរិយក្សត្រ ខេត្តកណ្ដាល និង នៅស្រុកបាទី ខេត្តតាកែវ លោក ថៃ ផានី ហៅម៉ាប់អូស្ត្រាលី ត្រូវបានបញ្ជូនទៅពន្ធនាគារហើយ កាលពីល្ងាចថ្ងៃទី០៥ ខែធ្នូ ឆ្នាំ២០១៧ ដើម្បីរង់&ចាំការស៊ើបសួរបន្តទៀត ។ រីឯអ្នកលេងល្បែងជល់មាន់៦៤នាក់ ត្រូវបានតុលាការតុលាការជំនុំជម្រះភ្លាម រួចផ្តន្ទាទោសមួយខែតែទោសនេះត្រូវព្យួរ ហើយដោះលែងឱ្យមានសេរីភាពឡើងវិញ៕