ការពិតត្រូវលាតត្រដាងហើយ!!! នេះហើយជាមូលហេតុដែលនាយចឺម មានសង្សារស្អាតនោះ

កាលពីពេលកន្លងទៅថ្មីៗនេះនាយចឺមបានត្អូញត្អែររឿងចំណាយលុយ១ខែ ចាក់សាំងអស់លុយ៥ពាន់ដុល្លារនោះ នាយក៏កំពុងសន្សំលុយធ្វើផ្ទះឲ្យឪពុកម្តាយនៅឯស្រុកកំណើតផងដែរ។ នាយចឺម បានបន្តទៀតថា ”អ្វីដែលខ្ញុំប្រឹងប្រែងរាល់ថ្ងៃនេះ គឺខ្ញុំខំសន្សំលុយធ្វើផ្ទះជូនឪពុកម្ដាយខ្ញុំនៅខេត្តកំពង់ស្ពឺ ជាផ្ទះវីឡា ហើយត្រូវចំណាយលុយច្រើនដែរ អីចឹងខ្ញុំចង់សម្រេចបំណងនេះឲ្យបានសិន ទើបគិតគូររឿងផ្ទាល់ខ្លួនតាមក្រោយ”។

ក្នុងខណៈពេលដែលនាយចឺម កំពុងតែប្រឹងរកលុយសន្សំធ្វើផ្ទះវីឡាឲ្យម្ដាយ តែ នាយចឺម ពេលនេះក៏កំពុងមានសេចក្ដីសុខជាមួយសង្សារថ្មីផងដែរគឺ នាង អៀ ម៉េងលិ ហៅ អូនម៉ីម៉ី ក្រោយពី លោកចឺម បានផ្ដាច់ស្នេហ៍ពីអតីត Freshie Girl លេខ១មកគឺ នាង ពុធ ស្រីខួច។

ប្រភពបានឲ្យដឹងថា នាយចឺម មានសង្សារផ្សេងទៀតដែលសុទ្ធតែជាស្រីស្អាតតែម្ដង ទើបធ្វើនាយពែកមី និងនាយក្រូច សុំខ្មាសតែម្ដង ព្រោះថាមិនអាចប្រជែងជាមួយនាយចឺម បានឡើយ រឿងពូកែរកស្រីស្នេហ៍បានស្អាតៗនោះ។ នាយចឺម បន្ថែមថា ”រឿងខ្ញុំនិងអូនម៉ីម៉ី ហ្នឹងគ្រាន់តែទំនាក់ទំនងគ្នាធម្មតាៗទេ តែគេចេះតែធ្វើបាបខ្ញុំ ថាស្នេហាគ្នា។ អូនម៉ី ជាមនុស្សល្អម្នាក់ គ្រាន់តែថាពួកយើងរាប់អានគ្នាធម្មតាហ្នឹង។ រឿងរកសង្សារបានស្អាតនោះ គឺដូចជាមិនពិបាកអីទេ ឲ្យតែរក គឺបានមែនហ្នឹង ហើយសង្សារ បើយកគឺត្រូវតែស្អាត បើមិនស្អាត តើយកមកធ្វើអី?”៕