នេះហើយទឹកចិត្តឪពុកម្តាយ!!! លោកព្រាប សុវត្ថិ នាំភរិយា បានមកចាំកូនប្រុសទាំង២ ជិតម៉ោង១ទាបភ្លឺ (មានវីដេអូ)
វេលាម៉ោង១២ ជាង នាថ្ងៃទី២៧ ខែមករា ឆ្នាំ២០១៨ គេក៏នៅតែឃើញការ live វីដេអូមួយចេញពីហ្វេសប៊ុកលោក ព្រាប សុវត្ថិទៀត នេះអាចសន្និដ្ឋានបានថាលោកក៏នៅក្នុងស្ថានភាពនេះផងដែរ ដោយក្នុងនោះគេក៏បានឃើញកូនប្រុសច្បង និងកូនទី២របស់លោក គឺ សុវត្ថិ មុនីវណ្ណ និង សុវត្ថិ មុនីនាគ ត្រូវបានក្លឹបកម្សាន្តមួយកន្លែងអញ្ជើញឡើងសម្តែងជាលើកដំបូង។
ហើយអ្វីដែលរឹតតែពិសេសថែមទៀតនោះ គឺកូនប្រុសរបស់លោកបានលើកយកបទចម្រៀងឪពុកដែលមានមានល្បិល្បាញតាំងពីយូរណាស់មកហើយនោះ មកបកស្រាយឡើងវិញផងដែរគឺបទ អូនជាបេះដូងបង ព្រមជាមួយបទទើបតែចេញថ្មីផងដែរគឹ កែវភ្នែក។ ដូចនេះដើម្បីកុំឲ្យខាតពេលសូមទៅទស្សនាទាំងអស់គ្នា៖
គួររំលឹកឡើងវិញផងដែរថា នៅព្រឹកថ្ងៃទី៨ ខែមករា ឆ្នាំ២០១៨ កន្លងទៅនេះ គេឃើញមានសមាជិកថ្មីដែលត្រូវផលិតកម្មធំរស្មីហង្សមាស បង្ហាញមុខធ្វើសន្នីសីទកាសែតនេះដោយ ប្រកាសជាផ្លូវការថា កូនប្រុស៣រូបរបស់កំពូលតារាចម្រៀងប្រចាំនៅកម្ពុជាលោក ព្រាប សុវត្ថិ ចូលច្រៀងនៅផលិតកម្មរស្មីហង្សមាស ជ្រកក្រោមផលិតកម្មតែមួយជាមួយឪពុករបស់ខ្លួន៕
Post a Comment