សូមជួយស៊ែរ​ និងត្រៀមអាវរងារបងប្អូន ព្រោះអាកាសធាតុចុះត្រជាក់ជាលើកទី៤ ទៀតហើយ

ប្រហែលជា១ម៉ោងមុននេះ ក្រសួងធនធានទឹក និងឧតុនិយម នៅថ្ងៃទី២៩ ខែមករា ឆ្នាំ២០១៨នេះ បានចេញសេចក្តីជូនដំណឹងថ្មីមួយ ដោយបានបញ្ជាក់ថា អាកាសធាតុនៅកម្ពុជា នឹងចុះត្រជាក់ជាថ្មីម្តងទៀត នៅចុងសប្តាហ៍ទី១ ខែកុម្ភៈខាងមុខនេះ។

ក្នុងនោះផងដែរ ក្រសួងធនធានទឹកក៏បានបញ្ជាក់ទៀតថា ខ្លួនបាននិងកំពុងតាមដានអំពីបញ្ហាអាកាសធាតុ ហើយនឹងជម្រាបជូនសាធារណជន ឲ្យបានជ្រាបច្បាប់ អំពីកម្រិតសីតុណ្ហភាពអប្បបរមា និងកាលបរិច្ឆេទនៃការចុះត្រជាក់ជាថ្មីនេះ នាពេលខាងមុខ៕