ដោយសារតែហេតុផលមួយនេះទើបក្រុមហ៊ុនផលិតរថយន្តមួយនេះ ដាក់តាំងឡានក្នុងទឹក ដើម្បីឲ្យត្រីហែលឆ្លងកាត់

កាលពីថ្ងៃទី២៩ ខែធ្នូ ឆ្នាំ២០១៧ គេឃើញមានក្នុងហ្វេសប៊ុកផេកមួយឈ្មោះ China Xinhua News បានចុះផ្សាយនូវព័ត៌មានមួយដែលមើលទៅពិតជាចម្លែកភ្នែក និងកម្រ​បានឃើញណាស់ ដោយរាល់ដងគេធ្លាប់តែតាំងរថយន្តនៅលើគោក តែពេលនេះបែរជាគេតាំងវាក្នុងទឹកទៅវិញ ជាពិសេសមានសត្វត្រីហែលឆ្លងកាត់ចុះឡើងទៀតផង។

តែពេលនេះរឿងដ៏ចម្លែកមួយនេះត្រូវបានគេលាតត្រដាងប្រាប់ហើយ ដោយសារតែប្រជាជនចិនមានជំនឿទៅលើសុភាសិតរបស់ខ្លួនមួយគឺ "ត្រីហែលឆ្លងកាត់ទ្វារនាគ" នោះគឺមានន័យថាសត្វត្រីគឺជាសត្វមួយប្រភេទដែលមានភាពអត់ធ្មត់ ក្លាហាន ហើយហ៊ានជំនះរាល់ឧបសគ្គទាំងអស់។ មួយវិញទៀតវាជាសត្វដែលមិនចេះនៅស្ងៀមមួយកន្លែងទេ វាតែងតែហែលទឹករហូតបើទោះជាវាមានពងពេញពោះក៏ដោយ។

ដោយសារតែហេតុផលនេះហើយទើបក្រុមហ៊ុនផលិតរថយន្ត Cadillac មួយនេះសម្រេចចិត្តធ្វើបែបនេះ ដើម្បីឲ្យក្រុមហ៊ុនមួយនេះមានដំណើរការជោគជ័យឲ្យដូចត្រីទាំងនេះ ហើយប្រជាជនចិនភាគច្រើនពេញចិត្តនូវសុភាសិតមួយនេះខ្លាំងណាស់។ ហាង​មួយ​ដែល​បាន​តាំង​ឡាន​ក្នុង​អាង​ត្រី​នេះ នៅ​ក្នុង​ទីក្រុង Shenzhen ភាគខាងត្បូងប្រទេសចិន៕

ហាមលួចចម្លងអត្ថបទរបស់យើងខ្ញុំ បើមិនដូចនេះទេអ្នកនឹងទទួលខុសត្រូវមុខច្បាប់។
រក្សាសិទ្ធិដោយ kampuchea1979.blogspot.com