បទចម្រៀងរបស់ ប្អូនប្រុស ពេជ្រ ថៃ ផ្លូវការលើកដំបូង បង្ហោះមិនបានប៉ុន្មានម៉ោងផង ត្រូវបានគេរិះគន់បាត់ទៅហើយ (មានវីដេអូ)

មានអ្នកគាំទ្រប្អូនប្រុស ពេជ្រ ថៃជាច្រើនបានរងចាំបទចម្រៀងរបស់ប្អូន ក្រៅពីបទដែលលើកយកមកប្រកួតក្នុងកម្មវិធី The Voice Kids Cambodia រដូវកាលទី១ ដោយម្នាក់ៗចង់ស្តាប់នូវសម្លេងរបស់ប្អូនថាតើការច្រៀងជាផ្លូវការរបស់គាត់យ៉ាងណាដែរ តែពេលនេះការទទឺងរងចាំរបស់បងប្អូនប្រាកដជាមិនខកបំណងឡើយ។

ចំពោះបទចម្រៀងផ្លូវការរបស់ពេជ្រ ថៃ នៅពេលនេះគឺមានចំណងជើងថា "ក្ដីស្រមៃ" ដែលបាននិពន្ធទំនុកច្រៀងដោយ អ៊ីនុ ព្រមទាំងនិពន្ធបទភ្លេង និងសម្រួលតន្ត្រីដោយ ម៉ម សុគន្ធា ក្នុងផលិតកម្មរស្មីហង្សមាស ដែលទើបតែបានចេញផ្សាយជាផ្លូវការតាមរយៈហ្វេសប៊ុកផេកផ្លូវការរបស់ខ្លួនប្រហែលជា១ម៉ោងមុនេះ។ ដូចនេះដើម្បីជ្រាបកាន់តែច្បាស់អាចទៅស្តាប់បទចម្រៀងខាងក្រោមនេះ។

ក្នុងនោះផងដែរអ្វីដែលប្អូនបានច្រៀងនេះធ្វើឲ្យមានមនុស្សមួយចំនួនមានការរិះគន់ផងដែរ ដោយពួកគាត់បានសរសេរជា comment ក្នុងបទចម្រៀងដែលគេបានបង្ហោះនេះថា៖

- អត់កើតហ្មងរកកន្លែងពិរោះមិនឃើញមិនបំបាក់ទឹកចិត្តក្មេងទេគ្រាន់តែកាពិតវាស្ដែងពេក
- និងម្ចាស់ពានthevoicekid cambodia idol ចឺយអឺយ ស្ដាប់បន្តិចស្មានតែក្មេងៗច្រៀងលេងតាមផ្ទះកាលពិតម្ចាស់ពានthevoicekidសោះហើយយកទៅប្រលងជាមួយប្រទេសគេម៉េចទៅព្រះខ្មាស់គេ
- មិនមើលងាយក្មេងទេតែនិយាយតាមមើើលឃើញសម្លេងរបស់ប្អូនមិនកើតទេតែខ្ញុំចូលភាពកំប្លុកកំប្លែងតែសម្លេងចប់ចាញ់លីង្គង័ដាច់តែម្តងខ្ញុំគិតថាប្អូនចេញបទចម្រៀងលើកនេះមិនប្រាកដថានិងមានពាក្យសរសើរចេញពីចិត្តរបស់ប្រជាពលរដ្នខ្មែរដែរ

តែក៏នៅមានអ្នកគាំទ្រសម្លេងរបស់ប្អូនផងដែរដោយពួកគាត់ទាំងនោះបានលើកឡើងថា៖

- សំខាន់គាត់ជាខ្មែរហើយគាត់បានការគាំទ្រពីខ្មែរបោះឆ្នោតដោយបងប្អូនខ្មែរចឹងទោះយ៉ាងណាក៏ខ្ញុំគាំទ្រ idol អូន
- មិនបន្ទោសក្មេងទេ តែនិយាយការពិត សំលេងមិនសមជាអ្នកចម្រៀងទេនេះជាការយល់ឃើញសំរាប់ខ្ញុំជាអ្នកស្តាប់
- ហេតុអីម្នាក់ៗ២០ជាងហើយនៅនាំគ្នាមកទើសក្មេងយ៉ាងណាក៏គាត់ធ្វើបានល្អបំផុតហើយចង់សួរថាអ្នកទាំងអស់គ្នាដែលទើសផងរិះគន់គាត់ផងបានអីមកវិញទទួលស្គាល់ការពិតខ្លះទៅ ហេតុអីដល់ពេលនេះហើយនៅតែទើសគាត់អត់ឈប់ចឹង សុំទោសផងខ្ញុំមិនមានជាបងប្អូនឬក៏សាច់ញាតិអីរបស់ថៃទេហើយក៏មិនមែនហ្វែនផ្កាប់មុខអីទេ គ្រាន់តែចង់បញ្ចេញយោបល់ដល់មនុស្សចាស់ខ្លះដែលពូកែទើសក្មេងដែលគ្នាមិនដឹងអី