ក្តៅៗ!!! ទីបំផុតកូនប្រុសទាំង៣របស់លោក ព្រាប សុវត្ថិ បានក្លាយជាសមាជិកថ្មីរបស់ ផលិតកម្មរស្មីហង្សមាស ជាផ្លូវការហើយ (មានវីដេអូ)

នៅព្រឹកថ្ងៃទី៨ ខែមករា ឆ្នាំ២០១៨ នេះ គេឃើញមានសមាជិកថ្មីដែលត្រូវផលិតកម្មធំរស្មីហង្សមាស បង្ហាញមុខធ្វើសន្នីសីទកាសែតនេះដោយ ប្រកាសជាផ្លូវការថា កូនប្រុស៣រូបរបស់កំពូលតារាចម្រៀងប្រចាំនៅកម្ពុជាលោក ព្រាប សុវត្ថិ ចូលច្រៀងនៅផលិតកម្មរស្មីហង្សមាស ជ្រកក្រោមផលិតកម្មតែមួយជាមួយឪពុករបស់ខ្លួន។

ជាលើកទី១ហើយ សម្រាប់ផលិតកម្មរស្មីហង្សមាស ដែលបង្ហាញខ្លួនអ្នកចម្រៀងថ្មីរបស់ខ្លួន តាមរយៈការរៀបចំធ្វើសន្និសីទកាសែតជាចំហនៅសណ្ឋាគារសូហ្វីតែល ភោគីត្រា ភ្នំពេញ នៅព្រឹកថ្ងៃច័ន្ទ ទី០៨ ខែមករា ឆ្នាំ២០១៨នេះ ដើម្បីលាតត្រដាងជាផ្លូវការសមាជិកថ្មីរបស់ខ្លួន។ នៅក្នុងសន្នីសីទកាសែតនោះផងដែរ គេឃើញមានវត្តមានថ្នាក់ដឹកនាំក្រុមហ៊ុនហង្សមាស លោកព្រាប សុវត្ថិ ជាមួយភរិយា អ្នកស្រីឡុង ស្រីមុំ និងសាមាជិកថ្មីទាំង៣នាក់ គឺកូនប្រុសលោកព្រាប សុវត្ថិ។

មិនត្រឹមតែមានទឹកដមសម្លេងពិរោះដូចឪពុករបស់ពួកគេនោះទេ តែបុត្រទាំង ៣របស់កំពូលតារាចម្រៀងជួរមុខនៅកម្ពុជា ក៏មានរូបរាងស្រស់សង្ហាផងដែរជាពិសេសពួកគេតែងតែបង្ហាញវត្តមានរាំលើឆាកប្រគុំតន្ត្រីធំៗទាំងនៅក្រុងភ្នំពេញ និងបណ្តាខេត្តនានា ជាមួយនឹងក្រុមរាំ របស់លោកព្រាប សុវត្ថិផងដែរ។

សូមបញ្ជាក់ថាកូនប្រុសទាំង ៣ របស់លោកព្រាប សុវត្ថិ គឺសុវត្ថិ មុន្នីវណ្ណ និងសុវត្ថិ មុន្នីនាគ ធ្លាប់ឡើងច្រៀងជាច្រើនដងពេលពួកគេទាំង ២ នៅកុមារភាពមកម្លេះ ។ អ្វីដែលកាន់តែពិសេសកូនៗរបស់កំពូលតារាច្រៀងមានសម្លេងក្រអួនក្រអៅ ក៏មានសមត្ថភាពលេងហ្គីតា និងច្រៀងជាភាសាអង់គ្លេសបានយ៉ាងល្អទៀតផង៕