ពុលត្រីកំពតទៀតហើយ!!! មានមនុស្សម្នាក់ស្លាប់ និង៩នាក់ផ្សេងទៀតកំពុងសង្គ្រោះបន្ទាន់

នៅសៀលថ្ងៃទី២២ ខែមករា ឆ្នាំ២០១៨ ម្សិលមិញនេះ នៅភូមិ កោះស្ដេច ឃុំ កោះស្ដេច ស្រុកគីរីសាគរ ខេត្តកោះកុង។ ប្រជាពលរដ្ឋជាង១០នាក់ ត្រូវបាន ពុលត្រីកំពត។ ប្រជាពលរដ្ឋដែលបាន ពុលត្រីកំពតនោះ ត្រូវបានបញ្ជូន មកមន្ទី ពេទ្យ ៩នាក់។ ១ បញ្ជូនទៅមន្ទីពេទ្យ ព្រះសីហនុខេត្តព្រះសីហនុ ១ នាក់ទៀត ត្រូវបានស្លាប់តាមផ្លូវក្នុងឡាន។ ២នាក់ទៀត បញ្ជូនទៅ មន្ទីខេត្តកោះកុងមិនទាន់បានដឹងឈ្មោះទេ។

ចំណែក៦នាក់ទៀត បញ្ជូនមកមន្ទីពេទ្យ បង្អែកស្រុកស្រែអំបិល ១. ឈ្មោះ លឹមជាង ប្រុសអាយុ២៣ឆ្នាំ ជាកម្មកទូកទេសចរណ៍ ២. ឈ្មោះ អំសំណាង ប្រុសអាយុ ៣៣ឆ្នាំ ជាអ្នករត់ម៉ូតូ ឌុប នៅកោះស្ដេច ៣. ឈ្មោះ ពេជ្រសីលាប្រុសអាយុ២៧ឆ្នាំអ្នកកោះ ស្ដេច ៤. ឈ្មោះ ដារ៉ូ ប្រុសអាយុ២១ឆ្នាំ ៥. ឈ្មោះ សេងផល ប្រុសអាយុ៥៤ឆ្នាំ មកពីភូមិព្រែកស្លា ឃុំព្រែកល្ពៅ ស្រុកពាររាំងខេត្តព្រៃវែងទើបតែមកបាន៦ថ្ងៃ ៦. ឈ្មោះ វង្សថា ប្រុសអាយុ៤៤ឆ្នាំមកពីខេត្តព្រៃវែងដែរទាំងពីនាក់នេះ មកជាមួយ មកធ្វើកម្មកទូកនៅកោះស្ដេចនាក់ទាំងពីនេះ មិនសូវបានផឹកសុី ច្រើនប៉ុក្មានទេពីព្រោះ រវល់និយាយទូរសព្ទ គ្រាន់តែ ស្ពឹកដែរជើងហើយ ក្អួតអាចទ្រាំបានខ្លះ។

តាមសម្ដីអ្នកមីងម្នាក់ បាននិយាយថា អ្នកទាំងនោះផឹកស៊ីក្លែមត្រីកំពត គឺស៊ីតាំងពីពង តាំងថ្លើម និយាយរួមស៊ីគ្មានសល់អីទេ ទើបពុលយ៉ាងនេះ។ គាត់បន្តថា អ្នកខ្លះដឹងថា ត្រីកំពត អ្នកខ្លះអត់ដឹង ក៏នាំគ្នាស៊ីទៅថា ឆ្ងាញ់ណាស់។ បើតាមសម្ដីលោកគ្រូពេទ្យបង្អែកស្រុកស្រែអំបិល លោកវេជ្ជបណ្ឌិត ឌុច រតរៈ គាត់បាននិយាយថា អ្នកជំងឺទាំង៦នាក់នេះ មិនអីទេ ដោយបានលាងក្រពះហើយ តែនៅទន់ដៃទន់ជើង។

គួររំលឹកឡើងវិញផងដែរថាកាល ថ្ងៃទី១១ ខែមិថុនា ឆ្នាំ២០១៧ កន្លងទៅនេះក៏ធ្លាប់មានបុរសម្នាក់បានស្លាប់ដោយសាពុលត្រីកំពត និង២នាក់ទៀតកំពុងសង្គ្រោះបន្ទាន់នៅមន្ទីរពេទ្យ នៅចំណុចស្រែពង្រ ភូមិព្រែកតាអាំ ឃុំបុសលាវ ស្រុកចិត្របុរី ខេត្តក្រចេះ៕