មើលចំនុចគោលៗ៦នេះ អ្នកអាចទស្សន៍ទាយខ្សែជីវិតខ្លួនឯងបានហើយ ថានឹងក្លាយជាអ្នកមាន រឺអ្នកក្រ

ប្រហែលជាមានមនុស្សមួយចំនួនធំបានដឹងលឺពីរបៀបធ្វើខ្លួនយ៉ាងម៉េចឲ្យក្លាយទៅជាអ្នកមានហើយ ក្នុងនោះដែរក៏នៅមានអ្នកមួយចំនួនក៏មានការស្រពេចស្រពិលផងដែរ ដោយមិនដឹងជាធ្វើយ៉ាងម៉េច បើទោះបីអ្នកខ្លះព្យាយាមធ្វើការ រឺក៏រកស៊ីដែរតែនៅតែមិនមាន។

ចំណែកឯខាងក្រោមនេះវិញគឺជាគន្លឹះគោលខ្លះៗ ដែលអាចជួយអ្នកឲ្យគិតខុសពីអ្វីដែលអ្នកកំពុងតែគិតសព្វថ្ងៃ ដោយទស្សនខាងក្រោមនេះគឺជាការដកស្រង់ចេញពីមហាសេដ្ឋីមួយចំនួននៅក្នុងស្រុកយើង និងស្រុកគេផងដែរ។ ដោយក្នុងនោះពួកគាត់បានចែករំលែកថា៖

១. អ្នកកំពុងគេងនៅលើគ្រែ គេកំពុងក្រោកហាត់ប្រាណ ដូច្នេះហើយគេមានសុខភាពល្អជាងអ្នក អញ្ចឹងការគិតរបស់គេគឺអាចល្អជាងអ្វីដែលយើងកំពុងគិត។

២. អ្នកធ្វើការឲ្យរួចមួយថ្ងៃៗ គេធ្វើការដោយតាំងចិត្ត ដូច្នេះគេអាចក្លាយជាមេដឹកនាំរបស់អ្នក
៣. អ្នកកំពុងរៀបគម្រោងធ្វើការថ្ងៃនេះឲ្យចប់ គេកំពុងរៀបគម្រោងផែនការសម្រាប់ឆ្នាំបន្ទាប់ ដូច្នេះហើយ គេអាចគ្រប់គ្រងឱកាសច្រើនជាងអ្នក។

៤. អ្នកកំពុងរកលេសគេចបញ្ហា គេកំពុងដោះស្រាយបញ្ហា ដូច្នេះហើយមុខជំនួញ និងការងាររបស់គេអាចទទួលបានជោគជ័យច្រើនជាងអ្នក។
៥. អ្នកកំពុងភ្លើតភ្លើននឹងការចាយលុយ គេកំពុងតែចាត់ចែងទ្រព្យសម្បត្តិឲ្យត្រូវកន្លែង ដូច្នេះហើយគេក៏មានទ្រព្យសម្បត្តិច្រើនជាងអ្នក។
៦. អ្នកកំពុងគិតតែផលប្រយោជន៍ខ្លួនឯង គេកំពុងគិត និងពិចារណាដល់ផលប្រយោជន៍ភាគីម្ខាងទៀត ដូច្នេះហើយទើបគេមានទំនាក់ទំនងល្អជាមួយមនុស្សម្នាច្រើនជាងអ្នក។