ពិតជាមិននឹកស្មានដល់ថា រឿងរបស់ហូលីវូដមួយនេះ ហ៊ានឲ្យតម្លៃខ្លួនលោក ទេព រិន្ឌដារ៉ូ ខ្ពស់យ៉ាងនេះសោះ

ថតរឿងឲ្យតារាហូលីវូដ ១ ថ្ងៃ តម្លៃខ្លួនតារាសម្ដែងជើងចាស់លោក ទេព រិន្ទដារ៉ូ ទទួលបានស្មើនឹងថតរឿងខ្នាតធំក្នុងស្រុកមួយរឿង។ នេះជាការបញ្ជាក់ប្រាប់ពីលោក ទេព រិន្ទដារ៉ូ ទៅកាន់សារព័ត៌មានក្នុងស្រុកមួយកាលពីពេលកន្លងទៅនេះ។ ក្នុងនោះផងដែរលោកបន្តទៀតថា ខ្លួនបានថតរឿង "The First They Killed My Father ឬ មុនដំបូងខ្មែរក្រហមសម្លាប់ប៉ារបស់ខ្ញុំ" ឲ្យអ្នកស្រី Angelina Jolie រយៈពេល៣ ថ្ងៃ លោកទទួលបានតម្លៃខ្លួនជិត ១ ម៉ឺនដុល្លារ អាមេរិក បើប្រៀបធៀបជាមួយរឿងខ្មែរគឺខុសគ្នាច្រើនណាស់។

លោកក៏បានបន្ថែមទៀតថា៖ "សម្រាប់រឿងខ្មែរ ខ្ញុំយកតម្លៃខ្លួនទៅតាមទីផ្សារស្រុកខ្មែរ តែបើថតឲ្យផលិតករបរទេសវិញ ខ្ញុំយកទៅតាមតម្លៃនៃទីផ្សារបរទេស ដូចដឹងស្រាប់ហើយ ខ្ញុំថតរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ឲ្យអ្នកស្រី Angelina Jolie ១ថ្ងៃខ្ញុំទទួលបាន ២ ៥០០ ដុល្លារ"។

រឿង "មុនដំបងខ្មែរក្រហមសម្លាប់ប៉ារបស់ខ្ញុំ" មានឈុតឆាកលោក ទេព រិនដារ៉ូ ចេញតែប៉ុន្មាននាទីតែប៉ុណ្ណោះពេលចាក់បញ្ចាំង។ តែប៉ុន្មាននាទីដែលទស្សនិកជនបានទស្សនា លោកត្រូវប្រើពេលវេលាហាត់សម ១ អាទិត្យ ចំណែកឯសាច់រឿងចេញថត ៣ ថ្ងៃ៕