កក្រើកទៀតបាត់!!! ទីបំផុតប្អូនប្រុសបង្កើត លោក ណុប ប៉ាយ៉ារិទ្ធិ បានក្លាយជាតារាចម្រៀងហង្សមាសហើយ (មានចម្រៀងទើបចេញក្តៅៗ)

ប្រហែលជាមិនដល់១ម៉ោងមុននេះទេ ក្រុមហ៊ុនហង្សមាសបានធ្វើការប្រកាសនូវសមាជិកគ្រួសាររបស់ខ្លួនថ្មីម្នាក់ទៀតហើយគឺលោក នីកូ។ ដោយក្នុងនោះក្រុមហ៊ុនមួយនេះបានសរសេរក្នុងហ្វេសប៊ុកផេកផ្លូវការរបស់ខ្លួនមួយឈ្មោះ Rasmey Hang Meas ដោយសរសេរថា "សួស្ដីប្រិយមិត្ត! តើមានអ្វីភ្ញាក់ផ្អើលថ្ងៃនេះ? សូមស្វាគមន៍តារាចម្រៀងថ្មីមកកាន់គ្រួសារហង្សមាស! ស្វាគមន៍លោក នីកូ!"។

ក្នុងនោះក៏មានបទចម្រៀងដំបូងផងរបស់លោក នីកូ ផងដែរ ក្នុងផលិតកម្មមួយនេះ គឺបទ "ថ្ងៃបែកគ្នា" និពន្ធទំនុកច្រៀង និង Melody៖ អ៊ីនុ និពន្ធបទភ្លេង និងសម្រួលតន្ត្រី៖ មាស សុគន្ធ។ ដូចនេះសូមស្តាប់នូវបទដំបូងរបស់លោកថាតើពិរោះប៉ុណ្ណាទៅនោះ។

គួររំលឹកផងដែរថា កំពូលតារាចម្រៀងដ៏មានប្រជាប្រិយភាព ប្រចាំផលិតកម្មរស្មីហង្សមាស លោក ណុប បាយ៉ារិទ្ធ គឺជាបងប្រុសបង្កើតរបស់តារាចម្រៀងលោក នីកូផងដែរ។ បច្ចុប្បន្នអ្នកទាំងពីរ កំពុងមានប្រជាប្រិយភាពយ៉ាងខ្លាំង នៅក្នុងស្រទាប់យុវវ័យ ហើយមិនតែប៉ុណ្ណោះ ក៏បានទទួលនូវការគាំទ្រយ៉ាងខ្លាំងពីទស្សនិកជនជាច្រើនទៀតផងដែរ៕