សាហាវហួសពីការស្មាន!!! បើស្រឡាញ់ម្តេចក៏បាញ់សម្លាប់នាង រហូតដល់ទៅ១០គ្រាប់ធ្វើអ្វី?

បើយោងតាមការចុះផ្សាយរបស់គេហទំព័រមួយរបស់ប្រទេសថៃឈ្មោះ www.khaosod.co.th បានឲ្យដឹងថាមានរឿងរ៉ាវដ៏រន្ធត់មួយបានកើតឡើងនៅយប់ថ្ងៃទី៣១ ខែមករា ឆ្នាំ២០១៨ ដោយឃើញនារីស្រស់ស្អាត សាច់សខ្ចីម្នាក់ បានដេកស្លាប់់ក្នុងថ្លុកឈាមយ៉ាងអាណោចអាធម៌ នៅផ្ទះជាន់ទីពីរ ផ្លូវលេខ ២៣៤ ស្រុក ណយ ខេត្ត សមុទ្រប្រាខន ប្រទេសថៃ។ ដោយស្រ្តីម្នាក់នេះមានឈ្មោះថា ពនស៊ីស៊ុយវ៉ាន់ អាយុ ៣២ ត្រូវបានគេបាញ់សម្លាប់ ប្រហែលជា១០គ្រាប់ឯណោះ។

ក្នុងនោះផងដែរបើតាមសំដីរបស់សមត្ថកិច្ចគឺបានរកឃើញមានស្នាមឈាមនៅមុខផ្ទះ និងនៅជញ្ជាំងជាប់ទ្វារ វាត្រូវបានគេរំពឹងទុកថាវាជាឈាមរបស់ជនរងគ្រោះមែន ដោយឃាតករជាអ្នកបាញ់សម្លាប់ បន្ទាប់មកក៏បានគេចខ្លួនបាត់ដោយសុវត្ថិភាព។

មិនយូរប៉ុន្មាននៅរសៀលថ្ងៃទី១ ខែកុម្ភៈ ឆ្នាំ២០១៨ សមត្ថកិច្ចក៏បានតាមរកឃើញ និងឃាត់ខ្លួនជនសង្ស័យម្នាក់ដែលមានឈ្មោះថា​ Yongyan Chandra Saree ដែលធ្លាប់ជាអតីតមិត្តប្រុសរបស់ស្រ្តីរងគ្រោះនេះតែម្តង។ ក្រោយពីឃាត់ខ្លួននិងសាកសួររួចមក ជនសង្ស័យបានសារភាពថា ខ្លួនពិតជាបានសម្លាប់ស្រ្តីនោះពិតមែន នេះក៏ដោយខ្លួនប្រច័ណ្ឌនឹងនាងដែលមានអ្នកថ្មី ណាមួយខ្លួនបានមកសុំត្រូវគ្នាជាមួយនឹងនាងវិញ តែនាងបដិសេធមិនព្រម ក៏ឈានដល់បាញ់សំលាប់ចោលតែម្ដងទៅ៕