នីឡាធ្លាប់តែធ្វើឲ្យបងប្អូនសើចសប្បាយ តែពេលនេះនាងបែរជាស្រក់ទឹកភ្នែកដោយសារតែជំងឺដ៏ប្លែកមួយ

មានមនុស្សជាច្រើនប្រហែលជាស្គាល់រួចមកហើយចំពោះ តារាកំប្លែងវ័យក្មេង មានរូបសម្រស់ស្រស់ស្អាត គឺកញ្ញាវ៉ាន់ នីឡា ហើយក៏ជាកូនស្រីសំណប់ចិត្តរបស់លោកតា វិុចទ័រផងដែរ ដោយនាងធ្លាប់តែនៅលើឆាកនាំមហាជន ក៏ដូចជាទស្សនិកជន បានសើចសប្បាយ ក៏ប៉ុន្តែពេលនេះនាងបែរជាយំសម្រក់ទឹកភ្នែកយ៉ាងដូច្នោះ។

ក្នុងនោះផងដែរ នីឡាក៏បានបង្ហោះរូបភាពជាមួយនឹងទឹកភ្នែកហូរមក និងបានរៀបរាប់ពីជំងឺដែលខ្លួនមាន នៅក្នុងនោះនាងបាននិយាយថា៖«ខ្ញុំមានជំងឺមួយ ដែលមនុស្សជុំវិញខ្លួនរបស់ខ្ញុំគេពិបាកនឹងយល់? គ្រាន់តែដឹងថាមួយរយៈនេះខ្ញុំឆាប់ខឹង ឆាប់ភ័យ ឆាប់ហត់ ហើយភ្លឹកៗ ហើយពេលភ័យ គឺចុកដង្ហើម! ខ្ញុំមិនចង់មានជំងឺនេះទេ»។

បន្ទាប់ពីនីឡាធ្លាក់ខ្លួនឈឺមកគេក៏ឃើញក្នុងហ្វេសប៊ុកមួយរបស់លោកតាវុិចទ័រ ឈ្មោះ Rithy Sovann គាត់បានបង្ហោះសារមួយចំនួនដែលលាយឡំជាមួយរូបភាពដែលកូនស្រីនីឡា បានចូលពេទ្យ ដោយក្នុងនោះលោកក៏បានសរសេរសារសោកស្តាយមួយចំនួនផងដែរ ចំពោះទង្វើរមិនល្អរបស់លោកដែលបានធ្វើដាក់កូនស្រីនីឡា ដោយក្នុងនោះលោកសរសេរថា៖

"នីឡាឆាប់បានធូស្បើយណាកូន។
ប៉ាស្តាយណាស់ ពីម្សិលមិញប៉ាស្រែក គំហកដាក់កូនពេកថតរឿង។ តាមបទពិសោធន៏ ប៉ាមិនដែលស្រែកសំឡុតតួទេ។ ប៉ាម៉ាក់ស្រលាញ់កូន! ឆាប់ជាណាមីកំពូលរបស់ ប៉ា ម៉ាក់!"

គួររំលឹកឡើងវិញផងដែរថា ប្រហែលជាមានប្រិយមិត្តភាគច្រើនបានជ្រាបច្បាស់ហើយថា លោក សុវណ្ណ រិទ្ធី ហៅ លោកតា វ៉ិចទ័រ ផលិតករកម្មវិធីកម្សាន្តរបស់ស្ថានីយទូរទស្សន៍ស៊ីធីអ៊ិន បានដឹកដៃកូនស្រីចូលប្រឡូកក្នុងវិស័យសិល្បៈយ៉ាងជោគជ័យរួចទៅហើយគឺកញ្ញា វ៉ាន់ នីឡា ដែលបច្ចុប្បន្ននាងក្ដោបបានប្រជាប្រិយភាពយ៉ាងច្រើនពីមហាជន៕